علاء نبيل: كارلوس كيروش جاهل في الكورة ولا يملك أساسيات التدريب حالياً

أكد علاء نبيل، نجم منتخب مصر السابق، أنه لا ينظر للسيرة الذاتية للمدير الفني لمنتخب مصر كارلوس كيروش، وهو مدرب عادي خالص.

وأضاف خلال تصريحات تليفزيونية عبر "حضرة المواطن": "كيروش غير متوقع واستحالة يكون معروف التشكيل الأساسي لمنتخب مصر ودي تغتبر "خيبة" والأمر دا غير جيد، والمدرب محير الناس كلها معاه".

وتابع علاء نبيل: "كارلوس كيروش بيعمل لغز مع الجماهير المصرية، واللي بيعمله دلوقت أسمة "جهل كروي" ومن المفترض أن يشارك كل لاعب في المكان الخاص به، ودايما بيعمل مشكلة في التشكيل".

وواصل علاء نبيل: "التوظيف خاطئ من المدرب وكمان مدرب المنتخب بيكون ليه عدد كبير من اللاعيبة، والمدرب مش عارف يعمل حاجة في الملعب، وبيعمل اي حاجة بتيجي على باله".

وتابع "مفيش حاجة اسمها في الكورة سهلة، ولعبت بغرور في البطولة علشان بطل أفريقيا، ولابد من احترام منتخب السودان في المباراة، والسودان ليها حظوظ في الصعود".

واختتم : "فينجادا مالوش لازمة ومن المفترض أنه تم التعاقد معه علشان يخطط للمسابقات، ولابد أن يكون هناك تواصل معه وكل بطولات الناشئين تقام بأمر غير قانوني والدوريات في الشباب قوانينها غير مفهومة".