EN
أماكن حلوة في القاهرة ، حلم ممكن تحققه بأقل تكلفة فعليا وفي يد جميع فئات المصريين وضيوف مصر ، السفر والترحال والفسح والأنشطة الترفيهية جزء هام في حياتك وصحتك النفسية ، يبقي لازم تخوض التجربة بقلب شجعاع.
بأسعار بسيطة تقدر تشوف وتطوف أماكن حلوة في القاهرة ، هتقضي وقت رائع مع أسرتك وأصحابك أو حتي لوحدك، مابين الخضرا و التاريخ والترفيه والثقافة، الأماكن الحلوة اللي في القاهرة تقدر تنسيك أي حاجة شاغلة تفكيرك هتسحرك بجمالها .
أماكن حلوة في القاهرة
أماكن حلوة في القاهرة تقدر تزورها بكل بساطة وأسعار منطقية و معقولة، علشان كدة هنصطحب قراء صدى البلد في جولة سياحية في القاهرة ، حضر نفسك و اجهز علشان تنطلق معانا عبر السطور القادمة اللي هنقدملك فيها برنامج السياحي في القاهرة .
مهرجان القلعة 2022
كلنا سمعنا عن مهرجان قلعة صلاح الدين الدولى للموسيقى و الغناء ، ومكانه طبعا في القلعة والتذكرة بـ 20 جنيه فقط ، مهرجان هتشوف فيه نجوم الفن و المشاهير وهتستمتع بالموسيقي و الغناء وسط حصون و ابراج و اسوار القلعة ، مودك هيتغير في وقتها بميزانية صغيرة تقدر بـ 100 جنيه تقدر تعيش أجواء عالمية مع أسرتك وهيفضل شغال الي 31 أغسطس 2022 .
محمية وادى دجلة
هتقضي يوم وسط الصحراء مع أًحابك وهتشوف تاريخ يرجع لعدة عصور ، تذكرتها في حدود 10 جنيه ، وبتسمح بالتخيم وتستمتع بأجواء السماء الصافية ، موقعها فى المعادي تحديد "زهراء المعادي" ، تقدر تعمل حفلة شواء وتسمع اغانيك المفضلة ، تقدر تستجمع وتغير مودك .
حديقة الأزهربارك
مكان كدة يخطفك من اتساعة و جماله وسط الخضرا يحطم طاقتك السلبية من شدة جماله ونظافتة ، سعر تذكرة حديقة الأزهر لايتعدي الـ 20 جنيه ، موقعها فى منطقة الدراسة وكمان ممكن تخلص زيارتها وتطلع في جولة للمساجد التاريخية زي الحسين و جامع الأزهر ، فننصح بزيارتها خاصة انها لها اجواء أسرية جيدة ، ومواعيدها من 9 صباحا الي 10 مساءا.
ممشي أهل مصر
من المزارات الحديثة ممشي أهل مصر مجاني للأسر في الممشي العام ، ولكن وضعت حاليا للجزء السفلي من الممشي تذكرة بـ 20 جنيه ، ولكنها تستحق الزيارة الترفيهية في أجواء عائلية مبهجة ، ومن لم يزورها قد فاته كثير من روعة لأجواء التى تضاهي أوروبا في رقيها ، يتميز ممشي أهل مصر ببعض القطع المقلدة من الفنون و الاثار تتيح لك التصوير و الفوتو سيشن الذى يضيف قيمة ترفيهية للزائر.
المتحف المصري بالتحرير
من أشهر متاحف العالم ويحتوي على قطع آثرية وتماثيل تحمل تاريخ مصر القديم ، قيمة التذكرة 30 جنيه ويفتح ابوابه للجمهور من الساعة 9 صباحا ويغلق 5 مساءا ، وبيضم حوالي 100 قاعة عرض للتحف و القطع الاثرية، يعرض بيه قرابة 136 الف قطعة اثرية ، كنوز اثارية رهيبة .
