EN 
هاجم الإعلامي أحمد شوبير، مجلس إدارة نادي الإسماعيلي، بسبب الموافقة على رحيل نجوم الفريق، خلال الميركاتو الشتوي، رغم تدهور وضع الفريق في جدول ترتيب الدوري الممتاز.
وقال شوبير عبر برنامجه الإذاعي “مع شوبير”:" المصري أتم الاتفاق مع الإسماعيلي على ضم محمد الشامي وعمر الوحش، وهم اثنين من أهم لاعبي الفريق، وعارض أحمد مدبولي للبيع، من البديل اللي هيجي؟، هو أنا قلبي على الإسماعيلي أكتر من الإسماعيلي نفسه! مش معقول اللي بيحصل، ومين البديل؟".
مين هيلعب؟
أضاف:" تخيلوا احنا بنتكلم على الإسماعيلي عشان يبقى في الدوري الموسم المقبل، وبعدين بيفتح المزاد على مدبولي من دلوقت، ولو مشي مدبولي وباهر المحمدي وعبد الرحمن مجدي ومحمد الشامي، مين هيلعب، مندهش جدا من اللي بيحصل ومش لاقي تفسير".
تابع:" يا إدارة الإسماعيلي فوقوا، والله أنا بتكلم من حرقتي على الإسماعيلي، ولو انتوا شايفين إن ده الصح، يبقى احنا مبنفهمش".
ويحتل الإسماعيلي المركز الـ 18 والأخير في جدول ترتيب مسابقة الدوري المصري الممتاز برصيد 6 نقاط.
