EN
هاشتاج "#صوتى_مقابل_خروج_معتقل" ما بين مؤيد ومعارض..ناشط: خرجوا المعتقلين وأنا أنزل انتخب وأرقص..وآخر: مش عايزين صوتك
*تدشين هاشتاج"#صوتي_مقابل_خروج_معتقل" للتذكير بالمعتقلين
* ناشط: خرجوا المعتقلين وساعتها هتعرفوا يعنى ايه طوابير
*وآخر: مين اللى عامل الهاشتاج دا ؟ أكيد حد من حزب "لنور"
دشن عدد من نشطاء مواقع التواصل الاجتماعي هاشتاج "#صوتي_مقابل_خروج_معتقل" للسخرية من ضعف الإقبال على الانتخابات الرئاسية في مصر وللتذكير باسماء من أطلقوا عليهم "معتقلين".
وجاءت تعليقات عديدة مؤيدة لهذا المطلب حيث قالت رحاب حلمى " لو #صوتي_مقابل_خروج_معتقل ساعتها كنتو هتعرفو يعنى ايه طوابير" ومن جهتها قالت أسماء أحمد: "طلعوا المهندس محمود شعلان ودكتور وليد الشيتاني وأحمد المرشدي وياسين واحمد عبداللطيف ودكتور هاني الجندي وأنا أنزل انتخب".
وأضاف "سامح باشا" : "طلعوا شهاب والفرماوي و هيثم عربي وأحمد فاروق و الدكتور خالد حنفي ومهدي عاكف و سعد خيرت و عمر مالك وأنا أنزل أنتخب وأرقص كمان"، وعلّق أنس سلام "خروج ياسر الطالب بالفرقة الثانية بترول ?#السويس اللى اعتقل قبل امتحاناته بأسبوع وحلمه هيضيع".
وغردت يمن إيهاب قائلة: #صوتي_مقابل_خروج_معتقل كل المعتقلين قبل وبعد الثورة اللي في ازدياد بعيدا عن انتمائهم السياسي، ده حقهم ومسيره جاي جاي!..و بردو مفيش صوت".
واستنكر البعض الآخر تدشين هذا الهاشتاج واعتبروه متاجرة بمشاعر الناس ومتاجرة بدم كل شهيد حيث -على حد زعمهم- لا علاقة بين الانتخابات وبين من مات شهيداً كما أنه فى الأساس لا وجود لمعتقلين فى مصر حاليا.
فعبرت أمينة النحاس عن استنكارها قائلة: "#ﺻﻮﺗﻲ_ﻣﻘﺎﺑﻞ_ﺧﺮﻭﺝ_ﻣﻌﺘﻘﻞ والنبي؟ انتوا عايشين معانا على نفس الكوكب؟".
ووافقتها هبة 12 حيث قالت: " لا مش عايزين صوتك ومكملين ضد الإخوان والنشطاء وكل من خان هذا الوطن والسيسي سيفوز رغم أنفكم".
وقالت "@samsouma2012 ":"#صوتي_مقابل_خروج_معتقل ههه هو احنا هنقايض علي الوطن كمان لا حلوة :) هو فيه معتقلين اصلا احنا عندنا ناس خرقو القانون" فيما تسائلت ساخرة "جودى ريم":" مين ال عامل الهاشتاج دا ؟؟؟ اكيد حد من حزب النور !"
وأضاف "ماجد البنانى" : #صوتي_مقابل_خروج_معتقل من الاخر بناقص صوتك انت هو لو هو ده الى هيخرج الارهابيين.
من الجدير بالذكر أن الهاشتاج دخل فى قائمة الأكثر تداولاً فى مصر محتلاً المركز الخامس حتى الآن.
