أيمن بهجت قمر لـ"نمرة": "انتوا يمكن الجيل اللي شايب..أنا وغير كتير لأ"

انتقد الشاعر أيمن بهجت قمر أغنية الفنان حمزة نمرة بعنوان "احنا الجيل اللي شايب وهو شباب"، معتبرًا ذلك تعميم لا يجوز على كل الشباب.
وكتب قمر على صفحته الخاصة به على موقع التواصل الإجتماعى فيس بوك: "مع احترامي لأغنية حمزه نمره اللي بيقول فيها "احنا الجيل اللي شايب وهوا شباب".. أنا آسف بس اللي شاب وهو شباب ده اللي فاشل في حياته وواقف مكانه وبيرمي فشله على غيره عشان يبرر إنه فاشل أو كسول أو مش ذكي".
وأضاف: "أنا واحد من الناس وغيري كتير بصرف على نفسي من وأنا عندي ١٦ سنه وأبويا مات ماسابليش حاجة وفيه شباب كتير نجحوا ووقفوا على رجليهم بفضل مجهودهم وكفاحهم انتوا يمكن الجيل اللي شايب لكن ماتعممش من فضلك أنا وكتير زيي لأ".
واختتم تدوينته: "مع تقديري لموهبة حمزة".