راجعين من تانى

راجعين من تانى
يا على بابا
راجعين بالخيلة
الكدابة
راجعين تعابين
ويا ديابة
راجعين من تانى
بأكاذيبهم
راجعين يحاسبوا
اللى عاتبهم
ازاى المظلوم
يغالبهم؟
ملعونة اللقمة
المذلولة
ملعونة النفس
المقهورة
ملعونة الدمعة
المأجورة
ملعونة الخطوةاللى
بترجع
ملعونة العين اللى
ماتدمع
ملعونة الودن اللى
ماتسمع
كلمة كفاية
ظلمتونا
ملعونة السلطة
وشهوتها
وخلايق بتبيع
ذمتها
فرحانة بهزة
خطوتها
على حزن الأم
المكلومة
يا بلدنا اتفقعت
مرارتنا
من كتر حجارة
ف سكتنا
اليوم دايبين
ف محبتنا
بعديها السيف
على رقبتنا
الله يهديكوا
ويهدينا
سيبونا دا الهم
ملينا
وكفاية متاجرة
بالشهدا
وكفاية اللعب
بأمانينا
الخلق خلاص
كرهت روحها
وبتشكى حالها
لباريها
ملعونة ومليون
ملعونة
يا نفوس مرضانة
ومجنونة