شاعر لشهداء الشرطة: شهيد عند ربك ما فيش شك.. على الجنة رايح مسافر

رثا الشاعر الجنوبى ناجح عمارة شهداء الشرطة بقصيدة بعنوان "اخر كلمات ام شهيد الوطن مع ابنها" هاجم فيها سفك الدماء وقتل الأبرياء بغير حق، قال فيها:
شهيد عند ربك ما فيش شك .. على الجنة رايح مسافر
قابلت ربك بتضحك .. لكن اللي قتلك دا كافر
يا حبل والود قتلك .. يا نني عيني يا غالي
ليه الضلالي دا قتلك .. فهمني دا انا عقلي غالي
القلب ما يطيقش بعدك .. طول ليلة سهران وباكي
ما قبلش ولا حد بعدك .. لو عنده مال بالبواكي
بعدك ما فيش شي طبلي .. انا امك يا غالي الحنينة
بعدك مهما يدق طبلي .. راح اعيش حياتي حزينة
كاتب ليكي يا ماية مكتوب .. جواه كلام مر يامة
بدايته الفراق يا امي مكتوب .. والملقي يوم القيامة
قولي لابويا وعمي .. دا وطنا عايش بجيشه
انا مت غرقان في دمي .. علشنكم انتوا تعيشه
يا ماية دا الحظ خني .. كان نفسي أفرح ابويا
مكنش عشمي وظني.. الضربة تيجي من اخويا
على جنة الخلد عدي .. جواها راح تلقي بيتك
لو كان يا ولدي بيدي .. انا كنت بعيني فديتك
على الجنة رايح ومستور .. وتشرب من الحلو بايدك
رايح بتضحك ومسرور .. في الجنة تلقي حبيبك