EN 
ناشد متضررو حريق معرض بالدقهلية، المسؤولين الوقوف بجانبهم بعد أن وصلت الخسائر إلى 8 ملايين جنيه، مؤكدين أن المعرض كان يدر عليهم ربحا جيدا ويفتح منازل لـ ١٨ اسرة، وبعد احتراقه اصبح عدد منهم مهددا بالحبس لانه اشترى بضاعه بالتقسيط ومطالب بالسداد، على حد قولهم.
صدى البلد التقى عددا منهم حيث قالت السيدة عبد الفتاح وشهرتها ام يوسف وهى السيده الوحيده التى لها باكية ملابس ولانجيرى: "احنا 18 شاب واكبر حد فينا عنده 30 سنه وبقالنا فتره فاتحين المعرض وكل فلوسنا فيه.. شقى عمرنا ضاع، فلوسنا كانت بضاعه جوه المعرض وكنا مخزنين بضاعة الشتوى واتحرقت كلها احنا خسارتنا بالملايين ودا شقى 6 سنين احنا بنطالب رجال الاعمال والجمعيات الخيرية والدولة تقف جنبنا تساعدنا علشان نجيب بضاعه بيت المال هنا فى منية النصر لموا ربنا كتر خيرهم هيعملو لينا المعرض تانى كمكان وانشاء لكن من غير بضاعه هنبيع ايه.
وقال ابراهيم محمود المتولى: "فلوسى وشقى عمرى ضاع وسط النار، هنا انا كنت ببيع احذيه والحريق ضيع كل حاجه كنت جايب بضاعه جديده وبطالب المسؤلين ورجال الاعمال يقفوا بجانبنا وانهم يساعدونا بالبضاعه.. بيت المال إدانا مبلغ عشان نبنى المكان تانى لكن مفيش سيوله علشان نجيب بضاعه.. اكتر الناس مديونه.. كلنا جايبين معظم بضاعتنا من تجار بديون وعلينا شيكات هنعمل ايه بيت المال وقف معانا ومجلس المدينه تكفل يبني المعرض تانى لكن احنا علينا ديون بسبب البضاعة اللي اتحرقت.
وأضاف ابراهيم حلمى من شباب المعرض: "معانا 18 شاب ومعانا ناس شغاله يعنى حوالى 100 بيت اتقفل مصدر رزقهم ومعدشى معانا اى فلوس نجيب بضاعه واتدمر مستقبلنا عاوزين الناس يساعدونا نقف على رجلينا عاوزين على الاقل كل واحد 30 ألف جنيه علشان نقدر نقف على رجلينا".
وقال مصطفي السيد عبد الحميد بائع طرح وايشاربات ومستلزمات محجبات: "ببتى اتخرب وسالف فلوس البضاعه اللى اتحرقت محدش ساعدنا الا بيت المال بمبلغ يادوب نجهز بيه المعرض احنا عاوزين من المحافظ التضامن والاورمان واهل الخير يقفوا معانا ربنا عالم بينا عايزين تشترى انا وزمايلى بضاعه عشان نسد اللى علينا وميبقاش فيه حبس احنا شباب بنبني نفسنا بالحلال، ياريت ".
