EN 
كشف الدكتور شريف صلاح الدين، استشاري تدريب وتطوير، عن طريقة لمعرفة الكذب والصدق خلال فترة "الخطوبة"، قائلاً "العقل بيرجعلي مرة تانية، لكن القلب أعمى.. بيخلي الشخص لما يحب حد ميشوفش أخطائه".
وأضاف شريف صلاح الدين خلال لقائه مع برنامج "ست الستات"، المُذاع على فضائية "صدى البلد"، قائلاً: "لو أنا شايف الشخص اللي قدامي بيعمل كل حاجة صح.. هتصدم جامد لما أتجوز لأن ساعتها العقل بيرجع وببدأ أشوف كل العيوب".
وتابع استشاري تدريب وتطوير: " وساعتها هقول انا ايه اللي عملته في نفسي ده! إيه اللي خلاني أتجوز! وهفضل أقول ما أنا كنت شايفة مامته وباباه مش كويسين قبل الجواز .. ما أنا كنت شايفة إنه بيعاملني وحش في كذا .. وهكذا".
وأكمل شريف صلاح الدين قائلاً: "لازم نستخدم العقل قبل الجواز .. ونحسم الأمور قبل الجواز .. ونشوف قادرين نتوافق معاها 100% واللا لأ .. ونشوف هنكمل مشوار الحب ده ولا منكملوش .. مينفعش تقيم جوازك بعد ما تتجوز .. والكلام ده للشاب وللبنت".
