داليا أيمن عن الأداء بمباراة مصر والسنغال: كان في رجالة بتموِّت نفسها

قالت الإعلامية داليا أيمن تعليقًا على أداء المنتخب الوطني في ماتش مصر والسنغال بالأمس، :" أنا عارفة إن كل الناس زعلانين، وعارفة قد إيه كان نفسنا نصعد للمونديال؛ لأن حقيقي منتخبنا يستاهل، ومصر تستاهل إنها تكون في المكانة دي".

وأضافت "أيمن" خلال تقديم برنامج "صباح البلد" والمُذاع على فضائية " صدى البلد"، :"إمبارح كانت المباراة قوية أوي، وصعبة جدًا، وحقيقي كان في رجالة بتموت نفسها لآخر لحظة، وكلهم كان عندهم الاستعداد الكامل إنهم يلعبوا لآخر دقيقة".

وأوضحت: "ركلات الترجيح في الأول والآخر بتبقى حظ، وده مايمنعش بعض التعليقات على الأداء إمبارح، ولكن المنتخب الوطني مكنش بيلاعب فريق السنغال بس، وكمان أشعة الليزر، والحكم، وللأسف مكنش في حاجة في صفنا إمبارح"، قائلة: "بلاش تبقى في قسوة في النقد".