شويكار خليفة: النجاح كان صعب لكن قدرت أتحداه بالاصرار والعزيمة

قالت المخرجة شويكار خليفة، إنها نجحت في العمل داخل ماسبيرو لمدة تقرب من 50 عاماً، معقبة: "النجاح كان صعب، ولكن بالإصرار والعزيمة قدرت أتحدى كل الصعاب"، منوهة أنها كانت تعمل في إدارة الرسوم الخدمية وليست الإنتاجية.

وأضافت شويكار خليفة خلال لقائها مع برنامج "كنوز الوطن"، الذي يقدمه الإعلامي أيمن عدلي، على فضائية "أخبار مصر"، أنها عندما التحقت بقسم الرسوم المتحركة، وشاركت في السوق، أصبحت تريد القيام بعمل تكليفات غير مطلوبة منها، معقبة: "كان معايا زميلة ليا اسمها زينب اسماعيل كانت بتحب تجرب أي حاجة زي كده .. فكنا بنساعد بعض".

وتابعت المخرجة قائلة: "بقينا بنعمل حاجات مش مطلوبة مننا، ونقعد نجرب، ونجيب أفلام من المكتبة، ونقعد نتفرج عليها بالعدسة، علشان نشوف الفرق بين الرسوم المتحركة، وكل حركة داخل الفريم".

وأكملت شويكار خليفة: “احنا مكنش معترف بينا، ولما كننا بننزل علشان نتفرج على الأفلام أو ناخدها كان بيتقالنا انتوا ملكوش حجز أصلاً .. احنا حفرنا فعلاً علشان نوصل للي احنا فيه ده .. لحد ما بقيتا بنعمل أفلام لوحدنا .. وبعدها الفوازير .. وديه اللي خلت التليفزيون يعترف بينا اننا نقدر نعمل حاجة”.