الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

عصام عبد الفتاح: ماتحاسبونيش على لجنة لسه ماسكها من 4 شهور

عصام عبد الفتاح
عصام عبد الفتاح

علق عصام عبد الفتاح رئيس لجنة الحكام باتحاد الكرة على غياب  التحكيم المصري عن مونديال الدوحة 2022، قائلاً: هناك  انزعاج بين الناس بسبب ذلك، بس الناس محتاجة تفهم أكتر، إنه على مدار تاريخ التحكيم المصري، اللي راحوا كأس العالم، هما 5 حكام مصريين فقط، وتقريبا 3 مساعدين، وبالتالي، عندما يذهب مساعد حكم واحد بعد غياب المنتخب المصري؛ ده شرف كبير، لأه مش دايما التحكيم في كل دولة بيبقى في القمة على طول.

وتابع خلال مداخلة عبر برنامج "كلمة أخيرة" الذي تقدمه الإعلامية لميس الحديدي على شاشة  ON": في النهاية مسابقة بين الحكام تختلف من  دورة لدورة وإحنا عندنا 54 دولة في إفريقيا والي هيروح فقط 5 حكام و10 مساعدين وتمثيل مصر شرف كبير ".

وأكمل حديثه: الناس مش فاهمة، مش لازم يكون لي حكم  ووجود مساعد؛ شرف كبير، خاصة أن المنتخب المصري  غير ممثل  في الأساس، واسمنا هيذكر إننا ممثلين بمساعد حكم".

وقاطعته لميس الحديدي: الا يزعجك وجود خمس حكام من إفريقيا  وفيه واحدة ست، ده غير العالم العربي، وحكام مساعدين من دول إفريقية وعربية، هل تلك الإحصائية لم تزعجك؟ أليست مؤشرا على مستوى التحكيم المصري؟ مش لازم إزاي؟ هو إحنا كده في القاع؟.

وأجاب عبد الفتاح: بتحاسبيني على حاجة، رغم إني رئيس لجنة التحكيم منذ 4 أشهر فقط، ولكن رغم ذلك، فعلى مدار التاريخ، مكنش فيه غير 5 حكام مصريين على مستوى كاس العالم.

واختتم حديثه: عاوزين نبدأ الإعداد من الآن للبطولات القادمة التحكيم المصري على مستوى إفريقيا  كويس جداً، وفيه مستويات كويسة، زي: أمين عمر ومحمود البنا ومحمد معروف وأحمد الغندور، وماشيين كويس، لكن اختيارات كأس العالم، بتمشي بشكل ومعايير مختلفة، مثلاً في بعض الأوقات؛ بيدوا فرص لحكام جداد.