السرطان هزمه.. نجل طلعت زكريا يكشف تفاصيل الأيام الأخيرة فى حياة عمه

كشف عمر طلعت زكريا تفاصيل الأيام الأخيرة فى حياة عمه أحمد زكريا الذى رحل صباح أمس بعد صراع مع مرض السرطان. 

وكتب عمر طلعت زكريا عبر حسابه بموقع التو الاجتماعي فيسبوك:"عمي أحمد الله يرحمه كان عنده شاب زي الورد "خالد" أبن عمي أتوفي وهوا بيركب المترو من فتره وصبر عمي وأستحمل وأحتسبه عند الله شهيد وكان ثابت جدا قدامنا بس هوا كان بيموت من جواه كل يوم من بعد موت "خالد" ".

وأضاف عمر زكريا :"بعدها ماتت "مرات عمي" مستحملتش تفارق أبنها وبقي عمي و "سوزي" بنت عمي فضل واحده واحده يمرض بالبطئ لحد م السرطان اتمكن منه وهزمه وراح عند اللي سبقونا ووحشونا وأمنته أمانه يوصلهم السلام وكانت وصيته يدفن جنب "خالد"و "مرات عمي" والنهارده وصلته لحد عندهم ونيمته جنب "خالد" وقولتله يا بختك يا عم تلاقيكو عاملين فرح دلوقتي أبوك كان راجل الطيبه بتتكلم في وشه وكان اطيب خلق الله زي أبويا أنتم السابقون ونحن اللاحقون".

وتابع عمر زكريا :" وقفلنا عليهم التربه وأنا عندي يقين أن الاتنين دول في مكان حلو أوي عشان اقسم بربي عمرهم م أذو حد ولا تسببو في ألم لحد هما التلاته مع بعض دلوقتي ربنا يرحمهم ويغفرلهم ويجمعنا بيهم علي خير  مع السلامه يا طيب ".

نشرت الفنانة إيمى طلعت زكريا تعليقاً عبر صفحتها على موقع التواصل الاجتماعى فيسبوك تعلن فيه عن وفاة عمها أحمد زكريا. 

وقالت إيمى طلعت زكريا : “عمي أحمد زكريا في ذمة الله ادعوله بالرحمة والمغفرة”.