EN 
حلت الفنانة منال عبداللطيف، ضيفة على الإعلامية ياسمين عز ببرنامج "كلام الناس" والمذاع عبر قناة "إم بي سي مصر".
وقالت الفنانة منال عبداللطيف، إن وزنها زاد 30 كيلو بعد ولادتها لابنتها الأخيرة، معقبة: "زدت 30 كيلو في الحمل".
وأضافت: "عشت سنتين بوزن زائد، واستمريت لمدة سنتين علشان أخسهم"، لافتة: "ماكنتش قابلة نفسي وكنت رافضة كل شيء".
وأشارت: "في مرة صحيت من النوم ومكنتش عارفة أنام بسبب بنتي نور بعد ولادتها لأنها كانت بتعيط، ومكنتش عارفة أعملها شيء، وحازم زوجي طلب مني شيء وفجأة سيبت لهم البيت ومشيت وطفشت، وروحت البيت التاني وقفلت التليفونات كلها وروحت علشان أنام وكله كان بيدور عليا لأني اختفيت".
وأوضحت: "علشان أخس الـ30 كيلو عملت دايت وبعدت عن السكريات، وخصصت ساعة كل يوم أقعد فيها مع نفسي ودي كانت ساعة خاصة بيا فقط".
