EN 
سافر مثله كباقي الشباب من أجل البحث على لقمة عيشه في دولة الأردن، ليجد عملاً كعامل زراعي لتكوين نفسه للزواج، إنه الشاب أحمد خالد ٢٨ عاما ابن قرية أبو جلال التابعة لمركز شربين في محافظة الدقهلية.
حكاية أحمد مع الغربة وحبسه
وبعد الاستقرار في دولة الأردن، وخلال تواجده بمسكن خاص مع زملائه العاملين، حدثت مشادة كلامية بين الشاب أحمد وأحد زملائه بالسكن ويتشاجران سوياَ، لتقبض عليهما الشرطة الأردنية وبعدها تم الإفراج عن الشاب بينما تم سجن الشاب أحمد.
صدى البلد التقى والدة أحمد، لمعرفة القصة عن قرب، وحكايته، وفي بداية حديثها ناشدت والدة الشاب أحمد خالد، الرئيس السيسي ووزير الخارجية للتدخل للاطمئنان على نجلها الوحيد المحبوس بالأردن .
وأضافت الأم والدموع تنهمر من عينيها وبصوت حزين، “ابنى معرفش عنه حاجه من سنة ونص كل اللى عرفته انه وصاحبه فى سكن واحد من سنين وكويسين مع بعض وحصلت مشكلة بينهم وضربوا بعض وتانى يوم راحوا شغلهم عادي وفوجئنا، ان الشرطة الأردنية قبضت على احمد وسابت زميله مع ان احمد كان فيه إصابات”.
وأكدت والدة أحمد، "خال زميله جاب ليه محامين وخرج، اما ابنى ملقاش حد يدافع عنه، نفسى حد يطمنى عليه، ومش قادره اتحرك وتعبانة، بموت فى كل لحظه عشانه ".
والدة أحمد تستغيث بالرئيس السيسي
واختتمت الأم حديثها لـ صدى البلد قائلة، "هو سافر يشتغل فى الاردن عامل زراعى، ويكون نفسه لاننا ناس على قدنا فسافر وجهز شقته وخطب، ودلوقتى كله راح ، يا ريس فرح قلبى ورجع ابنى لحضنى وبقول لزميله احمد اللى اتسبب فى ده انت اسمك غالى زيه حس بيا يا ابنى".
