أحمد حسن كوكا يوجه رسالة للدول العربية بعد استمرار الحصار على غزة

علق أحمد حسن كوكا، لاعب منتخب مصر، على الأوضاع في غزة، عبر حسابه على تويتر.

وكتب: "‏بنصحى كل يوم نروح شغلنا مُجبرين عشان أهالينا  وأولادنا اللي مسؤولين عنهم وقلوبنا فيها ألم ووجع علي أحبابنا وإخواننا في فلسطين ، في كل ثانية بتمر خبر جديد أبشع من اللي قبله ، بنتصور إن خلاص مفيش أوحش من كده ممكن يحصل ، بس مابنستناش كتير ونلاقي اللي أبشع منه، اعتقد إن بعد ما قصفت إسرائيل المستشفى والمدرسة والكنيسة وكل شيء محرم ، ضاربة بالقوانين الدولية عرض الحائط ، بدأت بعض الناس تستوعب إن ليس لديهم قلب و لا رحمه.. بدأت تتغير الأراء ، لإن بجد صعب جداً إن يقف شخص في صف كل الشيطانية دي، ‏أب بيشيل عياله او أعضاء من عياله في كيس بلاستيك، اجسام من غير رؤوس، كل الوحشية دي ولسه مفيش حاجه توقفهم لحد اللحظة دي وبرغم قساوة كل اللي فات ، ولسه كتير من المجتمع الغربي لا يستنكر أصلا الي بيحصل ‏خلاص كلام بلغتهم مالوش لازمة عشان كل حاجه واضحة ‏ليه احنا كعرب مانتحدش ؟ انتم متخيلين قوة كل دولة عربية ؟ 
‏انتم متخيلين لو كل الدول العربية تصدو لأي عدوان علي أي دولة عربية؟ ‏ممكن تكون فيه أبعاد سياسية تانية أنا مش فاهمها ، و ممكن كمان يكون تخيلي دا قاصر ‏لكن اللي أعرفه إن الإتحاد قوة، و القوي هو اللي بيتعمل له حساب“. ‬⁩

وأفادت قناة القاهرة الإخبارية أن مستلزمات طبية ودواء وغذاء تدخل غزة خلال الساعات المقبلة، وأشارت إلى أن هناك جهود مكثفة للدولة المصرية لإيصال المساعدات لقطاع غزة.

تصل هذه المساعدات إلى آلاف الأطنان، إذ تمّ تجهيز قسم كبير منها داخل مصر، سواء من قبل مؤسسة حياة كريمة أو التحالف الوطني للعمل الأهلي الدولي أو غيرها من الأجهزة والمؤسسات، إلى جانب قطاع كبير من المساعدات الدولية التي وصلت إلى مطار العريش الذي خصصته مصر لاستقبال المساعدات الإنسانية لقطاع غزة من خارج البلاد.