EN
كشفت الفنانة ديانا كرزون عن سر تعرضها إلى الاكتئاب خلال الأيام الماضية بعد رؤيتها للمشاهد الدموية المؤلمة التى يتعرض لها الشعب الفسطينى.
ديانا كرزون
وقالت ديانا كرزون عبر حسابها على موقع التواصل الاجتماعى إنستجرام : أنا جد دخلت في حاله إكتئاب مش طبيعيه.. مش قادره أستوعب شو عم بصير.. في غصه كبيره بالقلب ببكي من جوا وما باليد حيله غير الدعاء بتحس إن الإنسانيه عم بتخف كثير او يمكن بلشت تنقرض.. أو بطل في قيم ومبادئ زي زمان.
وأضافت ديانا كرزون : قبل ما أتزوج كنت أحس أمي بتزودها شوي قديش كانت تخاف علينا وبعد ما تزوجت حسيت قديش الضنا غالي كثير ولا شي بالعالم بيسوى شي قدام ولادي يلي هم أهم شي عندي وبالمرتبة الأولى.
من وقت ما بلشت الأحداث وانا بشوف كل أم فلسطينيه كيف بتودع ولادها وقلبها محروق عليهم وبنفس الوقت قديش قويه وجباره وصرت ما أنام بالليل صار عندي أرق كل شوي أصحى أشوف راشد نايم واصفن فيه وأدخل عند سلمى بغرفتها واتطمن عليها.
آااااخ عالوجع ……الله يكون في عونكم يا الله .. وحسيبا الله ونعم الوكيل.
