EN
أعرب الرئيس عبد الفتاح السيسي عن إعجابه بتلاميذ إحدى مدارس التعليم الأساسي، خلال زيارته لإحدى الدول الخارجية، التي رفض الإفصاح عنها، قائلا: "الأولاد الصغيرين هناك عارفين إننا من مصر، حاطين علم مصر وصورة الهرم على اللوحة، ولكن تصوروا شوفت مجموعة الولاد والبنات محدش فيهم يعيرني انتباهه ولا كأني ولا المجموعة اللي معايا واقف".
وأضاف السيسي، خلال كلمته بجلسة الحوار الأول للشباب عن التعليم، المنعقد الآن، ضاحكا: "محدش قالي تعالى خد سيلفي، ومحدش جه بص عليا وشاورلي"، وتابع: "قدر برنامج التعليم يعمل فيهم كده، ويقعدوا يعملوا اللي هما عاوزينه كأني بتفرج عليهم من وراء جدار غير مرئي ليهم".
واستطرد: "علموهم يحترموا بعض ازاي، في كل صف توجد وظائف بتغيرات دورية، وهناك قائد.. أنا شفتهم بيدعو بصلوات الأكل ثم يدعو بصلوات ما بعد الأكل، بيتسموا بالوداعة مافيش عنف وشدة، والمدرس لم يوجه كلمة واحدة، وأثناء توزيع الأكل اللي كان بيتحط بياخده ويمشي.. شفت الكلام اللي اتعمل صاغ شخصية تتسم بالتوافق مع زمايلها تنصاع لروح الفريق".
