EN 
روت سارة عصام، لاعبة نادي ستوك سيتي الإنجليزي ومنتخب مصر للسيدات، تجربتها من داخل الحجر الصحي للعائدين من الخارج من خلال فيديو نشره الإعلامي رامي رضوان مقدم برنامج " مسا دى إم سى" والمذاع عبر قناة "دى إم سى".
وقالت:أنا بكلمكم دلوقتي من داخل فندق المريديان بمطار القاهرة، أنا كنت على طيارة لندن اللي جت أول امبارح مع مصر للطيران، والصراحة كنت عايزة أشارك معاكم تجربتي وعايز أشكر النظام اللي نظمته الحكومة في المطار وفريق العمل اللي في الفندق وبصراحة الدكاترة اللي بتيجي تكشف علينا مرتين في اليوم كله بيتعامل باحترام، وكله بيتعامل بابتسامة وإيجابية في وسط الظروف اللي احنا فيها دي دلوقتي».
وتابعت:"أن حاسة بالأمان وفخورة جدا ببلدي وبالأطباء المصريين المتواجدين بمستشفي الحجر الصحي، مرددة:"كل الشكر ليهم ويارب نعدي الفترة دى على خير".
وأكملت:"الأكل بيتقدملنا 3 مرات في اليوم عند الباب بتاعنا برة، بعتولنا ورقة فيها البرنامج كله بتاع الـ 14 يوم، فعلًا حاجة أنا فخورة بيها، إحنا طبعًا في ظروف في العالم كله دلوقتي بس طبعًا الواحد لما يكون وسط أهله دي بتفرق، يعني أنا حسة بالأمان ومبسوطة إن هم عملوا الطيارة دي عشان يرجعونا من إنجلترا، وبشكر الفريق كله اللي في الفندق وبصراحة هم والدكاترة بيتعاملوا معانا بابتسامة دائمًا ومفيش حاجة بنحتاجها ومابنلقيهاش والأكل مش ملوث ولا حاجة وكويس جدًا والفندق على أعلى مستوى ويا رب نعدي الفترة دي بسلام ونكون زي ما احنا كدة شعبه قلبه على قلب بعض وجدع وطيب وفعلًا كان فيه ناس في المطار بتساعد الناس الكبيرة وناس بتساعد بعضيها بس كان فيه مجموعة هي اللي تجاوزت وإن شاء الله نعدي الفترة دي على خير ويحمي مصر.
