حنان سليمان: "أيوة أنا المسيحية اللي مستنية رمضان بفارغ الصبر"

أثارت الفنانة القديرة حنان سليمان، التساؤلات حول ديانتها الحقيقية، بعد منشور كتبته عبر حسابها الرسمي على موقع التواصل الاجتماعي " فيس بوك " مهنئة به المصريين بشهر رمضان المبارك.

وكتبت حنان سليمان: "أيوة أنا المسيحية اللي مستنية رمضان بفارغ الصبر، أيوة أنا المسيحية اللي مستنية الزينة بتاعة رمضان، أيوة أنا المسيحية اللي مستنية الناس يتجمعوا علشان يفطروا، أيوة أنا المسيحية اللي مستنية المسلسلات بتاعت رمضان، أيوة أنا المسيحية اللي بيفضل ولادها يسألوها رمضان إمتى، أيوة أنا المسيحية اللي شايفة إن مفيش حاجة اسمها مسيحي ومسلم غير كعبادة".

تابعت: "أيوة أنا المسيحية اللي بتعشق صحابها المسلمين، أيوة أنا المسيحية اللي شايفة أن مفيش حاجة تنفع تفرق بيننا، أيوة أنا المسيحية اللي ديني بيقول لي كده ﻷن الله محبة، كل سنة واحنا طيبين وبخير وصحة وسعادة ورمضان كريم علينا كلنا أعاده الله علينا وعلى مصرنا الحبيبة بالخير واليمن واالبركة".

أثار المنشور التساؤلات  لدى بعض متابعي حنان سليمان، الذين التبس عليهم الأمر ظنًا منهم أنها كتبت المنشور تعبيرًا عن ديانتها الحقيقية، فشكروها على هذه الروح الجميلة، بينما أوضحت الفنانة في نهاية المنشور أنها مسلمة ولكن أعجبها الكلام.