سفير التضامن .. برنامج تكافل يغير حياة «صباح» ويساعد فى تفوق ابنتها

ساعد برنامج  الدعم النقدى "تكافل" السيدة صباح فى تحقيق حلمها وإنشاء مشروع تعيش منه حتى تتمكن من تعليم ابنتها .

وقالت السيدة صباح بطلة حلقة اليوم من سفير التضامن الذى تنشره يوميا وزارة التضامن: «أنا ست صعيدية من محافظة قنا مركز الترامسة، عندي ٣٠ سنة، وباخد الدعم النقدي تكافل من وزارة التضامن الاجتماعي».

وأضافت السيدة صباح أن فلوس "تكافل" بصرف منها على بيتي وولادي.. وبسببها قدرت أربيهم بصحة كويسة ومحرمهمش من المدرسة، لأن الدعم مشروط بالصحة والتعليم.

وأوضحت صباح،  «مع الدعم فكرت أكبر رزقي وأعمل حاجة مفيدة أستطيع أن أعيش أنا وأسرتى حياة كريمة، و"محرمهمش من حاجة "،  كمان فكرت أعمل حاجة بالفلوس اللي بتجيلي من تكافل، بس يا ترى إيه هي وهعملها إزاي ..أنا خبازة شاطرة وكل الناس بتشهد للعيش بتاعي ، وبدأت أشتري بالفلوس اللي بتجيلي من "تكافل" دقيق وأخبز بيه عيش شمسي حتى استطعت بهذا الشكل اجمع مبالغ جيدة من المشروع».

وتابعت بطلة حلقة سفير التضامن : «كان فاتحة خير عليا وعلى عيالي، ويوم بعد يوم الطلبات بتزيد ومشروعي بيكبر والمعاش كبر وبقيت أقدر أسدد منه مصاريف مدرسة بنتي ، اما بقى بنتي آية.. فالحمد لله شاطرة أوي في المدرسة ودايما بتطلع الأولى وبتجيب أعلى الدرجات.. ونفسها تطلع دكتورة.. ومساعدانا في ده أن البرنامج نفسه بيشترط التعليم».

وأضافت «آية كمان بتساعدني في مشروعي ، " ومش بس هي، ده كل اللي في البيت ، عشان حسوا إن ده مشروعهم هما وباب رزق واتفتح لهم ، والحمدلله واللي بسببه أحوالنا كلها اتحسنت وحياتنا بقت أحسن.

وتكتب وزارة التضامن الاجتماعى قصصا يومية على صفحتها عبر فيس بوك على مدار أيام شهر رمضان، تلقي فيها الضوء على نماذج مشرفة من الشباب والفتيات تحت عنوان سفير التضامن.