EN 
كشف المطرب إيهاب توفيق، عن موقف طريف تعرض له، قائلا "كنت فى مرة مستنى صديقي حمدي صديق الملحن عشان نسمع ألحان ونقعد قعدة شغل، وعادة حمدي بيجي يطلع وهو من أصحابي المقربين ويطلع يستناني فى أى حتة في البيت وبلغت أفراد الأمن تحت البيت إن الأستاذ حمدي الملحن جاى".
وأضاف إيهاب توفيق، فى لقاء ببرنامج "شيخ الحارة والجريئة" مع إيناس الدغيدي، على قناة القاهرة والناس، "دخلت استحمى وطالع ألبس هدومي لقيت حد بيفتح باب الأوضة وداخل، وقلت له أنت مين يا ابنى ولما سألت الأمن مين ده افتكروه حمدي صديق".
وتابع إيهاب توفيق: "طلع واحد جاي بالصدفة يعرض أغاني وعايز يوصلهم لي وراح الأمن مطلعينه وفجأة الراجل لقى نفسه فى الأوضة بتاعتي ووضحت له الموقف وانصرف".
وتحدث المطرب إيهاب توفيق، عن فترة اختفاءه لفترة معنية عن الساحة الفنية، قائلا: “كان في اهتمامات واخدة وقتي أكثر من الفن ومنهم تعب ومرض والدتي واهتمامي بها وسفرنا للخارج”.
وأكد المطرب إيهاب توفيق، أن غياب الفنان محمد فؤاد لم يؤثر على قيمته، قائلا: "حتى لو غاب كتير عن الساحة الفنية هيفضل محمد فؤاد".
وعلق المطرب إيهاب توفيق، على سؤال الإعلامية “إيناس الدغيدي” بأن مصطفى قمر أشهر فنان في جيلكم" قائلا: "الجيل بتاعنا مكنش فيه حد يبقى رقم واحد ولا حد يبقى أعلى من التاني".
