عشان 100 جنيه تقتل فارس يا ظالم.. أم بالدقهلية: عاوزة حق ابني

شهدت عزبة الصفيح بمحافظة الدقهلية مأساة إنسانية مؤلمة حيث لقي شاب في العشرينات مصرعه على يد احد   بعزبه الصفيح حيث قام بطعنه بآلة حادة في صدره مما ادى الى وفاته في الحال وذلك بسبب قيام القاتل بطلب مبلغ مالي نظير سلسلة بلاتينية كان قد اشتراها من المجني عليه فطلب المجني عليه مهله ليوم أو يومين لسداد المبلغ ولكن القاتل قام بطعنه عدة طعنات  أدت لوفاته .
حيث قالت والدة" المجني عليه فى بث مباشر " لصدى البلد"  وهي تبكي "حرمني من ابني فارس ابنى الوحيد  ،26سنه ؛كل ده ليه عشان 100 جنيه يا ظالم يا مفتري منك لله حسبي الله ونعم الوكيل أنا عايزة حق ابني حق فارس الشاب المؤدب المحبوب البلد كلها كانت بتحبه عمره ما زعل احد اللي كان بيدي الاطفال حلويات وشيكولاته كل ما يمر قدامه  حد منهم" .
وتابعت "فارس كان بيشتغل  يوم بيوم وكان بيساعد ابوه الغلبان وبيصرف علينا  القاتل فريد اشترى منه سلسله بلاتينيه ب 100 جنيه وبعد يومين جاي يرجعها فارس قال له اخلص الشغلانه دي وبكره ولا بعده اديك الفلوس  هو ما عجبوش الكلام جاب مطوه وموت فارس وقتله كنت سيبه ليا" كنت ادور لك على 1000 جنيه مش 100 جنيه بس سيب ابني ما تعملش فيه كده  وتابعت " فارس متجوزش ولا خطب كان نفسي يسيب لي ذكرى منه لكن انا اتحرمت من ابني الوحيد مات يوم عيد ميلاده اتولد يوم السبت في شهر يونيو ومات في شهر يونيو يوم عيد ميلاده ؛فارس كان طيب قوي وكان جميل الكل كان بيحبه ؛انا بناشد القضاء المصري وبقول له انا نفسي حق ابني يرجع كفايه  اتحرمت منه اللي حرمني منه مجرم ميعرفش ربنا ؛ كان بيترصد له وخده على خوانه هاتولنا حقه".
وقالت جدته "فارس كان بيصرف علينا كان شايل البيت ؛ ابوه غلبان انا عايزة حق حفيدي اللي كان مالي علينا البيت سعاده وفرح دلوقتي خلاص " معدناش حاسين بحاجه كل حاجه راحت فارس الجميل الطيب راح قتلوا الخاين واخذه على خوانه فريد القاتل اللي حرمنا منه'.
وقال والده"  فارس كان بيصرف علينا بيساعدني،  انا رجل على باب الله هو اللي كان سندي وضهرى ماعنديش الا هو واخته مين سندي بعدك يا فارس ، انا بناشد القضاء المصري والنائب العام انهم يجيبوا حق ابني والقاتل ياخذ جزاءه ويتعدم مش عايزين محامي يطلع يقول  ده مرض نفسي ولا يخترع اي حاجه عشان يضيع حق ابني انا عايز حق ابني بثق فى قضاء مصر وبتمنى انها حق ابني يرجع'.
و تلقت  مديرية أمن الدقهلية إخطارا من شرطة النجدة يفيد بوصول فارس  ز.ن   26 عاما جثة هامدة الى المستشفى الدولي . بالفحص والتحري. تبين أن القاتل يدعى فريد .م ت  23 عاما مقيم عزبة الصفيح وأنه قام بالتعدي على المجني عليه بآلة حادة أدت الوفاة على الفور بسبب الخلاف على سلسلة بلاتينية .