EN 
تصدرت الفنانة ثراء جبيل تريند مؤشر اللةبحث على موقع جوجل ، بعد كشفها بعض الأسرار من خلال ظهورها فى برنامج نص الكلام من خلال تعرضها للتحرش والإساءة اليها من المخرج أحمد صالح، قائلة:"شتمنى بأقذر الشتائم".
اعتادت ثراء جبيل، على مشاركة متابعيها عبر حسابها الرسمي على موقع التواصل الاجتماعي إنستجرام دائما أبرز جلسات التصوير التي تخضع لها مما يكشف عن إطلالاتها.
واثارت ثراء جبيل، الجدل باطلالات جريئة ومثيرة خلال الفترة الاخيرة.
وتتميز ثراء، بإطلالاتها الأنيقة والمميزة التي تثير بها الجدل بأنوثتها وأناقتها من خلال اختيارها ملابس وفساتين مميزة تبرز جمالها وقوامها المتناسق ورشاقتها.
وخرجت الفنانة ثراء جبيل، عن صمتها بعد مرور 4 سنوات على خلافها مع المخرج أحمد صالح.
أجابت ثراء جبيل، في برنامج “نص الكلام”، عن سؤالها من الشخص الذي لن تعمل معه مجدداً، لتجيب، أحمد صالح، اشتغلت معاه في مسلسل بحـر.. هو كان عنده اخت شغاله مساعد مخرج "سكريبت ملابس" غلطت فالمساعده بتاعتي غلط جامد عشان حاجه احنا مكنش لينا ذنب فيها خالص عشان راكور لحاجه هي مش بعتاه اصلا ، وهزقتها جامد وانا سامعاها وهيه بتتكلم علينا وانا فالكرفان وصوتها عالي جدا فوسط الشارع".
وتابعت قائلة: “المهم حليت الموقف وجبتلها حاجه شبهها بالظبط وطلعت صورت المشهد بمنتهي الاحترافية وخلصته ، ونزلت بعد كده عشان اخد حقي وحق البنت اللي اتهزقت بشكل مش لطيف خالص وسط الناس .. فعليت صوتي وزعقت زي مهيه عملت بالظبط وبدون اي تجاوز وقولتلها انتي الغلطانه ومينفعش تزعقي كده احنا ولا مره قصرنا فشغلنا ومتقوليش حاجه تطلع علينا سمعه اننا ناس مهمله لان ده إهمال منك انتي”.
وأضافت: “وانا لما بتعصب ببقي صعبه شويه فهيه ( عيطت ) وطبعاً راحت عيطت لأخوها الاستاذ المخرج ، بعد شويه لقيته بيكلمني فالتلفون ( ألو .. ثراء .. ايوه .. انا احمد صالح ) وفضل حوالي ٢٠ ثانيه بيسبنـي ويشتمني بافظع الألفاظ واقذر الشتايم”.
كما أكملت: “كان في وجود المنتج الفني وممثله زميله والمساعدين وانا كنت فاتحه الاسبيكر لاني متعوده طول الوقت مش بحط التليفون علو ودني ومعرفش أن ده هيحصل .. طبعاً كلهم مكنوش مصدقين وانا كل اللي عملته قفلت السكه ومردتش”.
