EN 
كشفت الدكتورة بسمة يسري، طبيبة تغذية علاجية، عن خطورة شرب عصير القصب، في محلات تعده بطريقة ملوثة، مؤكدة أن هناك كارثة صحية تتم أثناء أعداد عصير القصب تتمثل في عدم نظافة العيدان من الملوثات بشكل جيد.
وأضافت بسمة يسري، خلال حوارها مع الإعلامية إيمان رياض، بحلقة برنامج "من القلب للقلب"، المذاع على فضائية "mbcmasr2": أن عصير القصب منعش فى الصيف، لكن لازم الأول نتأكد من نظافة المحل اللى بنشتري منه، لأن فى حاجة خطر جدا بتحصل إن بعض المحلات بتعصر عيدان القصب من غير ما تغسله وبيكتفوا بس بإنهم بيزيلوا الزوايد اللى فيه عشان يكون سهل العصر مش عشان النظافة.
وأوضحت أنه مهما يصفى في المصفة الحاجات دي بتكون موجودة فى العصير وبتلاقي شوائب فى آخر الكوباية، وده بيكون لها أضرار كبيرة على صحة الإنسان وقد تسبب نزلات معوية وغيرها.
وتابعت أن المحلات تقدم العصير فى كوبايات زجاج وبيكتفوا بغسلها بالمياه بس ومش بالمياه والصابون، وده ممكن ينقل أمراض للناس، فلازم لو هنشرب عصير يكون فى كوبايات تستخدم لمرة واحدة، والأفضل صحيا إننا نجيب عيدان القصب ونقشرها ونمضعها عشان نستفيد أكثر صحيا".
وفي السياق نفسه شفت عن أن عصير القصب به الكثير من الفوائد الصحية والعناصر الغذائية المهمة، منها البوتاسيوم، والماغنسيوم والعديد من الفيتامينات، لكن السعرات الحرارية فيه عالية جدا تصل إلى 200 سعر حراري، وبالتالى الإكثار منه يسبب مشكلات صحية كثيرة منها مقاومة الأنسولين، والسمنة، والسكر من النوع الثاني، ومشاكل في الكبد.
