EN
قاطع الرئيس عبد الفتاح السيسي، المهندس طارق الملا، وزير البترول، قائلا: "أنت بتبسط المسألة ليه؟ وإحنا قبلنا كدولة تقديم دعم على الكهرباء، ومستعدين نتحمل تبعات الدعم، لكن مش مستعدين نتحمل تبعات عدم تحصيل قيمة الخدمة الحقيقية من وزارة الكهرباء، حتى أصبح الرقم ضخم جدا".
وأضاف السيسي، خلال كلمته بجلسة الحوار الأول للشباب عن التحديات التي تواجه الدولة، المنعقدة الآن: "لازم الناس تعرف الحقيقة، وأنا كمواطن لو ما دفعتش تمن الكهرباء المُدعمة، رقم المديونيات يتفاقم ويصل إلى مليارات، تقوم وزارة البترول تستلف من البنوك، وتتحمل الفوائد نتيجة السلف من البنوك، وده غير عجز الموازنة".
وتابع الرئيس: "لما نتكلم مع الناس لازم نقول الموضوع بحجمه الطبيعي، وإلا ما تجيش تشتكيلي وتقولي أنا مش معايا فلوس".
