EN
قال الرئيس عبدالفتاح السيسي "وأنا جاي بالطيارة ببص.. بقول طب إحنا هنفضل نجري لحد امتى في إزالة عشوائيات ومناطق غير مخططة في المحافظات.. قولنا اسكان اجتماعي عشان تلاقي فرصة، لو كان في الاسكان الاجتماعي الشروط لا تتيح ان المواطن يشتري مرة واحدة عشان عاوزين اجراءات تعملوا بيها الأموال اللي اتدفعت في الوحدة السكنية".
وأضاف "الرئيس"، خلال كلمته بالاحتفالية المنعقدة بدمياط لافتتاح عدة مشروعات قومية بدمياط، موجها حديثه لوزير الإسكان: "لو فيه مواطن شغال في قطاع خاص وعنده فرصة انه يشتري شقة في الاسكان الاجتماعي مابتدلوش"، ليرد الوزير قائلا: "بنديله يا فندم بس بناخد إجراءات معقدة شوية".
وتابع الرئيس: "بقول لكل المصريين اللي هيقدم عشان ياخد شقة وقادر على تسديد تمنها كاش ان شاالله 5 ملايين هعملهم.. احنا عندنا مشكلة في حاجة، كل ما نعدي على أرض زراعية بحس اللي إحنا بنجري فيه حاجه والواقع حاجة تانية"، مُضيفا: "بقول لمحافظ دمياط أوعوا تستسلموا للتمدد العشوائي وبقول للمصريين هل تحبوا تبقوا كده، يا اما نعمل تخطيط عمراني بشكل محترم يا اما احنا نعمل ونبني ونقول للناس خدوا، لأن اللي انا بشوفه لقيت ناس بتبنى كده برضه".
واستطرد: "ناس واخدة في المنزلة أراضي على أنها بحيرات أو أحواض استزراع بيردم ويبني.. الدولة غايبه ويبدو اننا خلاص قبلنا ومافيش فايدة مش هنغير وقبلنا على كده"، مُضيفا: "اخر الشهر ده هنقعد القعدة دي والمحافظين ومديري الأمن وقادة الجيوش و20 شابا من كل محافظة عشان نشوف عملنا إيه".
