EN
دخلت الدكتورة نهى محمد عبد القادر في نوبة بكاء هستيري على الهواء بسبب عدم رؤيتها لابنها منذ 3 سنوات.
وقالت "عبد القادر"، خلال استضافتها فى برنامج "حضرة المواطن"، المُذاع عبر فضائية "الحدث اليوم"،: «حاولت أنفذ محضر الزيارة أكثر من مرة، ودائما يكون الباب مغلق أو مش موجودين، وبقالي أكثر من 3 سنين مش عارفة أشوف ابني».
وأضافت: «طليقي بيشتغل صيدلي، وحاولت أنفذ محضر الزيارة في مكان شغله، قالولي لا علشان الدائرة غير الدائرة»، متابعة: «المحاميين مش عارفين يتصرفوا، ونفسي أشوف ابني وأخذه في حضني».
وتابعت: «قالولي ممكن تشوفي ابنك بشرط إنك تتنازلي عن الحضانة، ومكنش فيه حاجة تضمن لي إن الكلام دا هيحصل»، مضيفة: «طليقي وأهله قالوا لي خليكي 100 سنة في المحاكم».
