EN 
روى الفنان أحمد عصام، موقفًا جمعه بالمطرب تامر حسني، معقبًا: «تامر حسني أستاذ مقالب».
وأضاف "عصام"، خلال استضافته عبر فضائية "النهار"، «اتفقت أنا وتامر حسني علي إننا هنصور أغنية مع بعض، وقولنا هنصور بكره، وقولتله هآجي وطنشت»، مكملا: «تاني يوم لقيت رقم غريب بعتلي حاجات غريبة وفيها مصايب سودة، جريت علي تامر قولتله فيه حد باعتلي مصايب، وبعدها قالي أنا اتصلت بالشركة والموضوع كبير، وقالي قابلني في الأستوديو، وأما قابلته شكيت في الموضوع، واتصلت علي الرقم لقيت موبايل تامر حسني».
وأوضح «المقلب دا كان عشان نصور الأغنية، ولقيت السبكي داخل يقولي البس علشان نصور الأغنية».
وتابع: "تامر حسني عنده تفصيلة أما بيطلع أى الحفلة مش بيكون عنده حاجه عزيزة، ممكن وهو واقف على المسرح وحد قاله على الساعة يديهاله»، متابعا: «مرة كنا قاعدين في الأردن، وأنا كنت نازل الحفلة وجايب تيشرت معايا عشان ألبسه، ببص مالقيتهوش، قولت أكيد نسيتها في مصر».
وأردف: «تاني يوم وإحنا قاعدين لقيت حد داخل يتصور ولابس نفس التيشرت، ولقيت تامر ماضي عليها، سألت الشخص إنت جايباها منين قالي من تامر، سألت تامر قالي جبتها من الدولاب بتاعك».
واستطرد «مرة تانية كنا في استراليا وكان طالع علي المسرح والجو كان برد، وأخذ الجاكيت بتاعي، وآخر الحفلة حد شد الجاكيت، لقيت تامر بصلي وعايز يقلعه، قولتله لا مش هينفع، وساب الحفلة وبقينا نتخانق أنا وهو، إنه يرمي الجاكيت، وقالي هجيبلك واحد غيره قولتله لا مش عايز».
