فرج عامر: الحكم رفع شعار وقت بدل ضائع حتى يفوز الأهلي.. وأين العدالة.. فيديو

تحدث محمد فرج عامر رئيس مجلس إدارة نادي سموحة عن هدف جيرالدو لاعب الأهلي في الدقيقة الأخيرة من مباراة الفريق اليوم.

وقال فرج في تصريحاته لبرنامج الماتش الذي يقدمه الإعلامي هاني حتحوت عبر شاشة صدى البلد "أحمد صبحي لاعب الفريق احتاج أقل من دقيقة عندما سقط على أرض الملعب ولم يتخط الأمر أكثر من دقيقة"، متابعًا "الحكم رفع اللائحة بدل ما يقول الوقت كان يقول لحد ما الأهلى يجيب جول، ده رأي الناس مش رأيي أنا بس، اللي بيحصل ده في الرياضة مش مظبوط".

واستكمل تصريحاته "لن نتخذ أي خطوات، لو عملت المستحيل مفيش حاجة هتحصل، دي مش أول ولا آخر مرة، مش لازم أجيب حكم أجنبي علشان العب كويس، أبني فريق وألعب كورة وأدفع كمان فلوس بالدولار علشان أجيب حكام أجانب ليه؟"، مضيفًا: "لازم يكون في عدالة رياضية، إحنا زي الشغالة في مملكة النحل، جزء من سيناريو بيتنفذ".