ﻣﻮﻗﻊ ﺻﺪﻱ اﻟﺒﻠﺪ

صدى البلد
الإشراف العام
إلهام أبو الفتح
رئيس التحرير
أحمــد صبـري
مدير التحرير
صفاء نوار

أماني سمير تكتب: ملامح من رمضان

الأربعاء 15/مايو/2019 - 11:48 م
صدى البلد
الحلقة الأولى
يعد جورج قرداحى من أفضل مقدمى البرامج فى الوطن العربى .. اختياراته دائمًا للناس والثقافة العامة .. يتعامل مع جمهوره ورواد برامجه برقى وثقة لا تتخطى الخط الفاصل بين الثقة بالنفس والغرور .. هادئ الصوت واثق النبرة .

اختار هذا العام أن يطل فى رمضان على شاشة CBC من خلال برنامج فوازير هادئ تحت عنوان ( اسم من مصر ) فأعاد إلى المشاهد المصرى متعة متابعة البرامج الهادئة والهادفة وسط صخب السطحية والإزعاج الفنى من أعمال درامية فى معظمها سخف والقليل منها له هدف .. ليظل الحضور الإنسانى للإنسان المثقف دون
ادعاء .. فالتحية والتقدير واجبان لهذا المواطن العربى الصالح .. جورج قرداحى .

- تامر مرسى .. عندما احتكر إنتاج الدراما المصرية فرض علينا كمشاهدين منطقا أخلاقيا مدمر ا.. هو أننا فى مصر أصبحنا نتعامل بمعيار ( أكل الحق .. حرفة) .. والحقيقة أن معظم أبطال أعماله محترفون .. الله يكرمك يا أستاذ تامر .. عرفتنا إننا عايشين فى كابوس.

- إعلانات هذا العام بترسخ لحاجتين مالهمش تالت .. إن المعيار الوحيد لتحقيقك النجاح فى أى حاجة تدخلها .. وظيفة ، عروسة ، خلافه .. هو إنك تكون شريك فى المراسم ... والحاجة التانية إنك لازم تتبرع عشان أهل بلدك يتعالجوا ويعيشوا حياة آدمية .... وبالمرة بقى .. اشحن من أى شركة محمول الأربعة وإنت تعيش ع النت 24 ساعة ببلاش .. بلا شغل بلا هم يا جدع .. محدش واخد منها حاجة ... مش عندنا مدينتى حررتها الست أصالة وعلى أحدث طراز عالمى .. خلاص .. كده قضيت .. لأ وممكن كمان تأجر عربية وتدمرها .. ماهى مش عربيتك .. 

- يا جماعة هو أنا بره الدنيا ؟؟؟ كنت فاكرة نفسى من البلد دى .

ads