أب مناشدا أهل الخير: 20 ألف جنيه تعيد ابنى للحياة

ويقول والده وليد محمد ، البالغ من العمر ٤٤ عاما ، عامل، في رسالة لخدمة القرّاء التي يقدّمها موقع "صدى البلد" : محمد بدلا من أن يحلم باللعب أصبح يحلم بالعلاج، فهو منذ ولادته يعاني من التصاق بالركبتين ومعرض في أي وقت للعجز عن الحركة مع الوقت، ولكم أن تتخيلوا مشاعر أب يرى ابنه وهو معرض للشلل كل يوم وهو عاجز لا يمكنه فعل شيء، والحل الوحيد رفع اليد للسماء، ونقول يا رب

وأضاف : محمد يحتاج لإجراء عملية جراحية تكلفتها ٢٠ ألف جنيه، وأنا عامل باليومية يعنى على باب الله، يوم اشتغل ويوم لا، ولا حتى ضامن شغل اليوم اللي بعده، خدت القرشين كنت شيلهم، وصرفتهم عليه في علاج ومشاوير للدكاترة، كل أسبوع مطلوب مني علاج تمنه ٣٠٠ جنيه، وللأسف من غير ما يكون في تحسن، طبعا دا حاجة أسبوعية لازم نوفر الفلوس، فنضطر وأنا وأسرتي ممكن نوفر مصاريف يوم ولا ٣ عشان نشتري العلاج، ومبنعرفش نمد إيدينا، الدكاترة قالوا الحل عشان ابنك يمشي طبيعي زي اللي في سنة لازم يكون عملية تتكلف ٢٠ ألف على الأقل

ويختتم حديثه: كل حلمي أنا ووالدته، نشوف ابني بيمشي على رجله، لأن حالته كل يوم بتتأخر، كمان أعصابه بدأت تتعب ويدخل في اكتئاب بسبب إنه حاسس نفسه هيفضل كدا طول العمر

للتواصل مع الحالة : ٠١١٢٩٣٤٩٢٤٧

ويقدّم موقع "صدى البلد" الإخباري، خدمة لاستقبال شكاوى القرّاء والعمل على حلها مع المسئولين من خلال الخط الساخن 5731 و01025555056 أو من خلال رقم الواتس آب 01006735360