برسالة غزل من زوجته.. رامي جمال يواصل تصدر جوجل

واصل الفنان رامي جمال تصدر مؤشر جوجل بآلاف من عمليات البحث عن المطرب المصري بعد إعلانه عن إصابته بمرض البهاق، وحصوله على دعم محبيه وجمهوره، فضلا عن زملائه وأسرته وخاصة زوجته.

ووجهت الفنانة المعتزلة ناريمان، زوجة المطرب رامى جمال، رسالة رقيقة له بعد إعلان إصابته بمرض البهاق عبر حسابها على موقع التواصل الاجتماعى "تويتر".

وقالت ناريمان خلال لقائها ببرنامج "عرب وود" متغزلة فى زوجها إنها تتمنى له الشفاء العاجل وتعتبر نفسها محظوظة بالزواج منه وهى تحبه كثيرا مثلما هو يحبها.

وكتبت ناريمان عبر حسابها على موقع التواصل الاجتماعي انستجرام: "أعتقد بعد كل طاقة الحب اللي شوفتها دي مش محتاج كلام تاني".

كان رامي جمال أعلن إصابته بمرض البهاق متسائلا: هل سيتقبله الجمهور بهذا الشكل أم يعتزل الفن، واضاف: "الحمد لله الذي أحبني فابتلاني واقدرني علي الصبر من فتره ظهرت بقع بيضا في جسمي وبالكشف عرفت انه البهاق وجربت أنواع علاج كتير ودكاترة كتير ومفيش فايده رضيت وسلمت أمري إلى الله علشان عرفت ان الزعل بيزوده وكفايه شغلانتي وصعوبتها والقلق الدائم من المستقبل".

وتابع: "وفعلا بقي بيزيد لدرجة لفتت نظر ناس كتير اللي بقي يقوللي هتتعامل ازاي وانت فنان واللي يخاف يسلم واللي يسألني هو ده معدي انا بقالي سنه فعلا لو عندي حفله او تصویر بتعب علي ما اشوف طريقة أخفيه بيها لدرجة خلت ناس تقوللي شوف بیزنس تاني اعمله علشان الناس مش هتقبلك كده فكرت في كلامهم بصراحة ولقيت ان عندي حلين یا فعلا شكرا لحد كده علي الشغلانة دي رغم حبي ليها وعدم معرفتي بغيرها".

واختتم حديثه قائلًا: "یا اما مش هداريه تاني وتقبلوني بيه وترحموا كل اللي ربنا ابتلاهم بيه من نظرة انه شكلو غريب الحمد لله على نعمة الأهل لانهم الوحيدين اللي بيقبلو الواحد زي ما هو طولت عليكم بس قلت أشرككم في حياة فنان".