EN 
نشرت المطربة أمينة صورة تجمعها بشقيقتها الراحلة عزة عبر حسابها الشخصي بموقع التواصل الاجتماعي "انستجرام".
وعلقت أمينة علي الصورة :" وحشتينى يا نور عينى وحشتينى قوى من هنا لحاااااد أما اقابلك مش عارفة اقول إيه ولا أبدأ كلامي عنك إزاى عايزة أقولك إن وجودك كان مهم قوى حتى لو إيه بس انتى كنتى زى الغفير الأمين اللى يؤتمن على أى حاجة بحبك حب مش قادرة أوصفه ومحتاجة لحضنك قوي بس .
تابعت : أنتى بإذن الله فى مكان أحسن لأنك صبرتى كتير قوى يا نور عينى.. صبرتى على زوج حسبنا الله ونعم الوكيل فيه وصبرتي على مرضك وكنتي برضه بتضحكي وكنتى عايزة تعيشى مش عشانك عشانا كلنا.. وحشتينى يا عزة يا زوز زى ما كان بابا بيناديكى كان بيعتبرك ابنه مش بنته ربنا يرحمك ويعلى درجتك عنده ويسكنك فسيح جناته.. بحبك وحشتينى.. أمانه اللى يشوف البوست ده يدعيلها ويدعى لأمواتنا جميعا الفاتحة".
من ناحية أخري انتهت المطربة أمينة من تصوير أغنية جديدة تحمل اسم "اتقل تتكيف" على طريقة الفيديو كليب، والأغنية من كلمات أحمد على موسي، وألحان محمد عبد المنعم، وتوزيع الموسيقي أشرف البرنس، وتولى إخراج الكليب جميل جميل المغازي، ومن المقرر إذاعتها على عدد من القنوات خلال الفترة المقبلة.
