EN 
وجه مجدي عبدالغني عضو اتحاد الكرة السابق، رسالة دعم لـ عمرو السوليه نجم فريق الاهلي عقب التنمر على نجلته بعد نشره لعدد من الصور لها.
ونشر مجدي عبدالغني عبر حسابه الرسمي بموقع التواصل الاجتماعي "تويتر"، صورة لـ السوليه بصحبة نجلته.
وعلق البلدوزر: "كل الدعم لإبنتنا الجميلة ليلي السولية تخيلوا نكتب ونقول ندعم بنت عندها 3 سنوات ! طبعا الدعم لأباها "الرجل" عمرو السولية نجم الأهلي والمنتخب وصاحب الموقف الشجاع والرائع".
اقرأ أيضًا|
وكان عمرو السولية تلقى هجوما حادا من بعض متابعيه عبر مواقع التواصل الاجتماعي، متهمين ابنته التي تبلغ من العمر ثلاث سنوات ونصف بأنها ترتدي ملابس غير محتشمة ليرد عليهم بتقديم بلاغات ضدهم.
وكتب اللاعب عمرو السولية عبر صفحته الشخصية بموقع التواصل الاجتماعي إنستجرام: "ليلى بنتي عندها ٣ سنين ونص (لسه قالعه البامبرز من كام شهر) الكلام ده بيتقال على طفلة !! ايه اللي يخلى (بني آدم) خنزير ممكن يبص على لبس طفلة ويركز غير أنه فعلًا خنزير ؟! ايه المرض ده!".
وأضاف: "دول اللي لما بيكبروا بيكونوا مغتصبين ومتحرشين واللي بنخاف على بناتنا وأهلنا ينزلوا الشارع عشان ميتعرضوش لأذاهم، اتمنى الشيوخ اللي بيبرروا للتحرش و لبس البنت يكونوا مبسوطين دلوقتى و هما شايفين اللي بيحصل".
وأكمل: "قررت أتقدم ببلاغات لأصحاب الكومنتات دى عشان اللي زى دول مينفعش يكبروا وسطنا قررت احمي بناتي اللي لسه مشافوش الدنيا وللأسف خايف عليهم يشوفوا كمية القرف و الاشمئزاز ده".
يأتى ذلك بعدما نشر السولية صورة له برفقة ابنته صاحبة الثلاث سنوات ونصف وكتب عليها: "كل شئ بالنسبة لي".
