EN
استضاف برنامج "صاحبة السعادة"، الذى تقدمه الإعلامية "إسعاد يونس"، والمُذاع عبر فضائية "دي إم سي"، لاعب نادى الزمالك ومنتخب مصر السابق حازم إمام، عضو مجلس النواب، وأسرته.
وقال "حازم إمام"،: "دماغ زوجتي قريبه من دماغي، وهي مش بتاعت خروجات أوي، ومش زنانة؛ علشان أنا مبحبش الست الزنانة"، متابعا: "طيبة جدا وأنا بحب الناس اللي بتريحني، وأنا لقيتها من النوع ده من أول يوم بيننا".
وحكت "قدرية داوود"، زوجة لاعب نادى الزمالك ومنتخب مصر السابق حازم إمام، تفاصيل تعرفها على "حازم إمام"، قائله: "كان فيه ملجأ في المعادي، وكنا عايزين نجيب حد مشهور، وكان فيه مغني بس مكنش فاضي، قولتلهم إحنا نكلم حازم إمام، وأنا مكنتش أعرفه بس صحابي كانوا يعرفوه".
وأضافت: "عمري ما كنت شوفته، أخذت رقمه وكلمته"، متابعه: "مروحناش ملجأ ولا أي حاجه ونسينا الملجأ"، موضحه: "في الأول قالي هاجي بس أنا عندي ماتش في بطولة، ومكنش فاضي"، ليرد "حازم إمام"، قائلا: "بدأت أسألها جبتي رقمي منين، قالت لي أنا أعرف ناس صحابك".
واستطرد: "بالصدفة كنت في المهندسين بعربيتي وهو كان مخلص تمرين، واتقابلنا أول مرة صدفة في الشارع عادي، كنا في الشتاء وشكله كان غريب"، ليرد "حازم إمام"، قائلا: "دقني كانت طويلة وكنت لابس أسود في أسود وهي خافت مني واتخضت".
