EN 
قال الإعلامي محمد موسى، في تعليقه على حملة الإزالة التي شنها حي البيطاش بالإسكندرية، لإزالة التعديات التي يضعها مغني المهرجانات حمو بيكا أمام منزله مستغلا الطريق العام، إنه لا يجوز له أو لغيره التعدي على حرم الشارع العام.
وأضاف محمد موسى خلال تقديم برنامج "خط أحمر" على قناة الحدث اليوم، "مش معقول واحد زي بيكا يقفل الشارع بالشكل ده، ويتعدى على حرم الشارع ويضايق الناس، أنت غنيت بالعافية وسممت ودانا باللي بتنشره على يوتيوب وخالفت قرار نقابة المهن الموسيقية بعد ممارسة الغنا، كمان جاي تستولى على الشارع وتقفله بصبة مسلح وجنازير".
وتابع محمد موسى، "أنت فاهم البلد دي عزبة تعمل فيها اللي أنت عايزه، لا أنسى البلد فيها قانون ومفيش حد فوق القانون".
ووجه موسى سؤالا لحي العجمي قائلا: "بخصوص المخالفة مش دي برضه عليها عقاب قانوني ولا إيه؟ ضروري يكون فيه غرامة أو عقاب عشان مفيش حد تاني يكرر نفس الموضوع".
