EN 
قال الدكتور خالد غزالي، استشاري نباتات طبية، إن السكريات والنشويات أكثر ضرراً على الإنسان من الدهون، مثل السكر الأبيض، معقباً: "ياريت لو نقدر نمتنع عنهم خالص".
وأضاف خالد غزالي، خلال لقائه برنامج "سفرة وطبلية" المذاع على فضائية "صدى البلد"، أن السكر بالنسبة لمريض السمنة إدمان، معقباً: "السكر زيه زي المخدرات بالنسبة لمريض السمنة، بيفتحوا التلاجة وياكلوا أي حاجة مسكرة وبعديها تلاقيهم مش في الدنيا".
وعقب استشاري نباتات طبية قائلاً: "فيه دكتور كبير معروف على مستوى العالم قال أنا لو بإيدي الأمر، همنع السكر خالص من العالم كله، وهشنق اللي هياكل سكر".
ونصح خالد غزالي بتناول السكريات والنشويات مرة واحدة في الأسبوع، مشيراً إلى أن العصائر المكتوب عليها "بيور" أي بدون سكر، تحتوي على سكر، معقباً: "مفيش حاجة اسمها بيور وبدون سكر، كل العصائر لازم بيبقى فيها سكر".
