مكتشف لوحة عبد الهادي الجزار: كانت موجودة في مخزن شركة وسط الخردة

كشف هشام الهواري، صاحب شركة مقاولات عن كواليس العثور على لوحة آثرية مفقودة منذ نصف قرن، قائلًا إن اللوحة موجودة منذ أكتر من 20 سنة وكانت موجودة في مخزن الشركة وسط الخردة ولم يهتم بها أحد، وتم اكتشافها عندما كان يفتتح كافيه وبحث عن الأشياء التي تنفع كديكور من وسط الخردة فكانت اللوحة من ضمنها، بأعجبه شكلها وعلقتها في الكافيه.

وأضاف "الهواري" خلال مداخلة هاتفية ببرنامج " صباح الخير يامصر" المُذاع على فضائية " الأولى المصرية": "أحد الرواد اللي كنت بفرجهم على الكافيه شاف اللوحة وعجبته جدًا فقالي أنا هسأل عليها واشوف أصلها إيه وبتاعت مين فوافقت وقلتله مفيش مشكلة".

وتابع: "وبعدها بشوية لاقيته جاي بيعرض أرقام كبيرة، بدءا من 2.5 مليون جنيه عشان يشتري اللوحة دي وده بصراحة خلاني اشك في الموضوع وبعد كده بدأت اعمل سيرش عن اللوحة فاكتشفت إن وزارة الثقافة كانت منزلة منشور إنه ممنوع تداول لوحات عبد الهادي الجزار لأنها ملكية خاصة للدولة وعشان نحافظ على التراث ".

وأكمل:" تواصلت مع محامي الشركة عندنا ومن خلال بحثه تواصلنا إن اللوحة اللي عندنا دي مسجلة وخاصة بوزارة الثقافة المصرية، وتواصل المحامي مع وزارة الثقافة والناس هناك مكنتش مصدقة إن ممكن نرجع حاجة زي دي بسهولة، واتعاملوا معانا بذوق وأخلاق عالية".