منزل غير آدمي.. مأساة عم رجب بالدقهلية: بناتى طردونى وعايش لوحدي.. شاهد

عندما تتحجر القلوب وتنعدم الضمائر خاصة من الأبناء لآبائهم وأمهاتهم، فماذا سيبقى من خير فى هذه الحياة، خاصة عندما تزيد الحياة قسوتها عليهم.
عم رجب مسن يعيش فى حجرة لا آدمية بإحدى قرى بلقاس بمحافظة الدقهلية، حيث يقيم مع ابنه وزوجة ابنه وأطفالهم  فى مكان غير آدمي، ولكن أجبر على العيش فى هذا المكان فلا يملك من حطام الدنيا شيئا.
تحدث عم رجب العشرى، ذو ال٧٠  عاما، لصدى البلد قائلا: "أنا راجل كبير وتعبان بس أعيش منين، بكسب فى اليوم ٢٠ جنيه، بلم ازايز وبس  وابنى بيشتغل باليومية مرة ٢٠ جنيه ومرة ٢٥ مش كل يوم حسب ما بييجى، معندناش مكان غير ده محدش يتحمل يقعد فيه، السقف بينزل ميه فى الشتا وفى الصيف الحشرات فى الأوضة، ملناش مصدر رزق نعمل إيه".

وواصل قائلا: “نفسى أدوق اللحمة، مكلتهاش من زمان، فى يوم رحت للجزار أجيب عضم واديته ٢٠ جنيه، انا عندى بنتين متجوزين، فى يوم عزمونى على الأكل فرحت وقالوا عاملين لحمة، أول ما وصلت لقيت جوز بنتى بيطردنى وقالى مفيش أكل انت جاى فاضى وبناتى مشونى، الفقر عمل فينا كده”.

وأضاف: “أنا بناشد الرئيس السيسى يقف معايا ويبنوا لينا بيت اعيش فيه اليومين الباقيين من عمرى مرتاح”.

واختتم حديثه للمسئولين فى الدولة وجمعية الأورمان قائلا: "خليكم معانا وساعدونا قبل الشتا ما ييجى، عشان العيال الصغيرة الغلابة دول يعيشوا، كمان الناموس والحشرات مبهدلهم، أملنا فيكم بعد ربنا كبير".