EN 
نشر المطرب محمد نور ، فيديو له عبر صفحته الرسمية بموقع الصور الشهير انستجرام، وأكد أنه يتقدم اعتذاره لمجلس إدارة نقابة المهن الموسيقية بسبب الصدام الأخير بين المجلس وحمو بيكا، مشيرا إلى أن بيكا كان منفعلا فى الفيديو الذي ظهر فيه، وهاجم مجلس النقابة ولم يقصد ما جاء فى الفيديو بشكل مباشر.
محمد نور يدافع عن حمو بيكا
وكتب نور ، على صفحته قائلا: لكل اعضاء نقابة المهن الموسيقية اخوتنا الكبار الي طول عمرهم معانا في كل كبيره وصغيره بعتزرلكم بنيابه عن حمو بيكا هو اكيد مكنش يقصد الانسان وقت الغضب مش بيعرف يقول ايه.
وأضاف: هو بس عاوز يشتغل ودي كلمه أثرت فيا طبعا، ولكن ده ميديلوش أي حق إنه يغلط في أي حد من أساتذتنا الكبار فهو هيعتذر وعشان خاطري أنا تقبلوا اعتزاره وأنا هحيبوا وأجيلكم ونخلص الموضوع وتشتغل إن شاء الله.
ووجه رسالته ل حمو بيكا: أتمني تقرأ الكلام ده وتعتذر وهما مفيش أطيب منهم والموضوع يخلص أنا بس تدخلت عشان عارف إنك طيب، وفي حالك وعندك جمهور بيحبك وهما محترمين فوق الوصف، أهل حقيقي مش مسئولين نقابة.
وتابع: عفا اللهً عما سلف.. شكرا وأتمني من الجميع محدش يغلظ أو كده من الكومنتات أنا فقط مقدرتش اسمع حد بيقول نفسي اشتغل وانا محاولش اساعد شكرا للجميع طولت عليكو شكرا لاستاذ احمد رمضان والمايسترو الاستاذ حماده ابوً اليزيد وانامتاكد انكم هتتعاونو معايا وده مش جديد عليكو.
حمو بيكا يهاجم أعضاء نقابة المهن الموسيقية
قال مؤدي المهرجانات حمو بيكا ، خلال بث مباشر عبر صفحته الرسمية بموقع التواصل الاجتماعي فيسبوك:" تعبان وقرفان ونفسى اتكلم عشان ميجرليش حاجة وأنا قاعد ".
وأضاف :" حسبى الله ونعم الوكيل فى اللى واقفين فى طريقى ، أنا عشان مدفعتش مشتغلش .. قولولى انتو عايزين كام". وتابع :" بوجه رسالة لأى مسؤل فى البلد انا بتدمر ومش هسيب حقى غير لما أموت ".
