عمي ضربني عشان أمضي ويرميني.. فتاة تشعل السوشيال ميديا بمنشور عن الميراث

اشعلت فتاة علي فيسبوك ومواقع السوشيال ميديا بعد منشورها للمطالبة بقانون للدفاع عن حقوقها بعد وفاة والدها ومعاناتها مع أعمامها عن ميراث المنزل الذي تسكن فيه وإجبارها علي بيع المنزل بعد تعرضها للضرب من عمها .

ونالت الفتاة شهرة كبيرة بعدما تواصل معها مجلس الوزراء والعديد من الجهات وقدم العديد من الشيوخ فتاوي عن تقسيم التركة بالاسم للأبناء من الاب أو الأم .

وأصبحت الفتاة تريند السوشيال ميديا بعدما تعاطف الكثير معها وكتبت اليوم منشورا قالت فيه " انا نزلت البوست في جروب (قانون الأسرة المصرية) ونمت وصحيت لقيت الدنيا اتقلبت وانا مكنتش عندي أمل ١٪ إنه يحصل ربع ال حصل معايا وكان غرضي من البوست إني اشوف حل قانوني ومحامي يقف جنبي لحد ما اقدر ارجع حقي.

النهارده الصبح لقيت اتصال من مكتب رئيس الوزراء وبتاخد بياناتي عشان تساعدني ف مشكلتي مع اعمامي،والاستاذه نهاد ابو القمصان نزلت البوست عندها وبتدور عليا عشان تترفعلي وعايزه تتكفل بكل حاجه... وناس كتير اوي بيبعتولي يقولولي اتواصلي مع المحاميه بتدور عليكي واللي دخل يهون عليا ويقولي انا جمبك(شوفت فيكم حنيه مش ف اهلي ولولاكم مكنتش وصلت لربع ال انا فيه دا مذيعين من قنوات عايزين يصورا معايا ويصعدو الموضوع وناس معرفهاش عايزه تقف جمبي من غير سابق معرفه.
انا مره واحده لقيت عوض ربنا بيجيلي بدون مقدمات وكنت فاكره حياتي كلها سوده الا ان عوض ربنا وطاقه النور ظهرت مع بدايه صبح النهارده
كل الشكر ليكم ولكل الناس ال وقفت جمبي حتي بالكلام  انا مدينه ليكم بكل الشكر
والناس ال دخلتلي عايزه تساعدني ماديا
انا مش محتاجه فلوس ومطلبتش من حد فلوس
انا كل الل كنت محتاجه من البوست ال نزلته
محامي يتولي قضيتي واتعابه هيخدها بعد ميرجعلي حقي
لكن انا مش محتاجه مساعدات مديه من حد وشكرا جدا لكل اللي عرض
(ربنا يجعل دعواتي ليكم كلكم من نصيبكم) بدون مبالغه انتو حيتوني انا واختي من جديد 💙 

اما عن المنشور الذي أثار الجدل وكسب تعاطف الجميع وتضامنهم مع الفتاة واختها