المغير يواصل سقطاته ..ويطالب الإخوان بالتسلح بالصواريخ لمحاربة الجيش والشرطة ومعارضيهم

واصل القيادى الشاب بجماعة الإخوان "الإرهابية" أحمد المغير من مخبئه، سقطاته ومحاولاته لتحريض أعضاء جماعة الإخوان ومناصريهم على قتال الجيش المصرى والشرطة ومعارضيهم مستخدمين الصواريخ كما تفعل حركة حماس مع الإسرائيليين.
وقال المغير فى تدوينه له على الفيسبوك : ده المستوى اللي وصلت ليه صواريخ القسام بعد حوالي 10 سنين من التطوير المستمر القسام بدأت بصاروخ مداه 5 كيلومتر اقل ما يقال عليه انه صاروخ لعبة اثار سخرية خونة فتح وكل عدو للمقاومة لكن حماس لم تلق بالا للسخرية والصاروخ الـ 5 كيلو اصبح 8 ثم 10 ثم 12 ثم 20 ثم 50 ثم اخيرا 75 ، والصاروخ العبثي اللي زي لعب الاطفال زي ما وصفه عباس الخائن المرتد اصبح من اقوى الاسلحة الاستراتيجية في المنطقة واصبح سبب ارق الصهاينة وحلفائهم المصريين الأول.
وأضاف المغير فى تحريض علنى مباشر : اللي عاوز يعمل حاجة بيعملها واللي بيبدأ صغير ويصر على طريقه هيوصل والنهاردة بندعو للاعداد والتسلح في مصر بنسمع اصوات نشاز زي هنجيب منين وهنعمل ايه ومعاهم دبابات وطيارات واحنا ضعفاء وكلام لا يقوله الا امثال عباس ودحلان وكل جبان منهزم ، حماس اشتغلت في ظل حصار خانق واعتداءات لا تنتعي من اقوى آلة عسكرية في المنطقة وفرق في القوة بين الطرفين مينفعش نقارن بينهم اصلا لكنهم كونوا معادلة ردع حتى اذا مكونوش معادلة حسم حتى الآن لكن حسبهم انهم على الطريق بيحاولوا وبيطبقوا الشعار "وأعدوا" فيا ترى متى نعد نحن؟