لاعب دجلة السابق: فرحان بهزيمة الفريق أمام الزمالك ونفسي يهبطوا

أبدى أحمد الميرغني لاعب خط وسط الزمالك ووادي دجلة السابق سعادته بفوز الزمالك على دجلة 2-0 في أولى مباريات الفريقين في الدوري، وتمنى هبوط فريق دجلة للدرجة الثانية.
وكتب الميرغني، عبر حسابه على تويتر "أنا فرحان إن دجلة خسر أكتر ما فرحان للزمالك".
وأضاف: "الناس المثاليين اللي عندي بتوع بلاش شماتة والجو ده ياريت يهدوا شوية علشان انا مش مثالي وكمان اللي بيتكلم ده لو حصل معاه اللي حصل معايا هيقول كده وأكتر".
وأضاف: "وأنا اصلاً نفسي دجلة يهبط ومش هزعل غير على اصحابي والناس المحترمين اللي اتعاملت معاهم في النادي، وهما بيقروا الكلام ده هما أكيد عارفين نفسهم".
يذكر أن دجلة كان قد أعلن استغناءه عن الميرغني بعدما كتب تصريحات سياسية عبر حسابه على فيسبوك.