تعرفى على أسرار حلويات العيد مع الشيف أسامة السيد

" حلويات العيد " ينتظر تناولها الشعب المصرى باشتياق من السنة للسنة على حد سواء مسلم ومسيحى لاعتيادهم فرحة العيد معا ولكن عندما نقوم بإعدادها فى المنزل نقع فى أخطاء كبيرة تجعلها لا تصبح بالشكل الجيد مثل المحلات المخصصة لبيعها.

لذلك يوضح الشيف أسامة أسرار حلويات العيد من حيث الفرق بين أنواع الدقيق والمواد الدهنية والروافع التى تستخدم لنجاح الحلويات وتصبح مثل الجاهزة بالظبط.

1 - نوع الدقيق:

يجب أن نستخدم للحلويات الدقيق متعدد الأغراض وممكن كمان نستخدمه في المخبوزات لكن مينفعش نستخدم الدقيق الخاص للعيش و البيتزا في الحلويات.

2 - المادة الدهنية:

السمنة والزيت مفيهمش أي سوائل, فيهم دهون بس لكن الزبدة فيها 20 % مياه و دي بتساعد الوصفة أنها تكون طرية وما تتحمرش.

3 - الروافع:

من الأفضل استخدام البيكنج بودر و بلاش المحسن لانه بيدخل كمية كبيرة من الهوا لكن البيكنج بودر و الخميرة و الكربونات مع البيكنج صودا مواد طبيعية و ممكن بدل المحسن تخفقي البيض كويس جدا عشان يدخل هوا.

4 - كريمة الخفق:

مش لازم تتخفق كتير لانها فيها نسبة دهن و لما بتتخفق زيادة بتفصل السوائل ( لبن رايب ) عن الدهون ( زبدة ).
اول ما تبدأ تتماسك نضيف عليها شوية سكر بودرة و كمان كريمة الطهي ممكن نعمل منها جناش و نسيح معاها شيكولاتة.

1 - الكحك:

الكحك لازم يكون ناعم من جوه و عشان الحشوة ما تنشفش نقفل العجينة كويس جدا على الحشوة لأن الحرارة هتنشفها و تسحب كل السوائل اللي فيها و كمان لازم نستخدم ريحة الكحك لانها الحاجة اللي بتميزه و هي عبارة عن ( محلب مع ينسون أو شمر ).2 - المعمول:

المعمول مختلف عن الكحك و بيكون انشف من الكحك لانه فيه دقيق سيمولينا بس لازم نستخدم نوع يكون ناعم و كمان نسيب العجينة ترتاح 3 ساعات بعد اضافة الزبدة او السمنة عشان يطلع طري.3 - الغريبة:

الغريبة لازم تكون ناعمة جدا عشان كده بنستخدم لها سكر بودرة لان في خصائص مختلفة عن السكر العادي و افضل نستخدم زبدة لان نسبة المياه بتخليها انعم و بتساعد انها تحافظ على لونها الابيض.

4 - بسكويت النشادر:
النشادر هي الامونيا لكن لازم نكون واثقين من مصدرها و انها صالحة للاستخدام و النشادر ملهاش بديل.

5 - البيتي فور في منه نوعين نوع بيكون ناعم و في نوع تاني انشف شوية بيكون من عجينة السابليه.