دنيا شحتة تكتب: غيبوبة حزن

مبحبش المستشفيات و بخاف من الدكاتره...
بيرعبني شكل العلاج و ورقه الروشته.....

بخاف اعاني بمرض من الامراض...
و يبتدي يظهر عليا شويه بشويه الاعراض...

كله من الحزن و الاكتئاب
من الزعل و البكي و الوجع و الخراب...
اللي اجبرني من حياتي اعلن الانسحاب...
و اقفل عليا لوحدي ميت الف باب....

خلاني احط كالونه و ادخل مستشفي...
و انا عارفه ان وجعي لا يمكن بالعلاج يشفي...

انا وجعي مالوش دوا
انا وجعي من الفراق بعد ما كنا سوا
انا وجعي مالوش دكتور و لا تشخيص
و الشفي في روحي و جسدي مالوش ترخيص

وجع قلبي وجع عميق
ضيق نفس مع صداع شقيق
شويه انيميا مع نقص اكسجين
كأني في اوضه ضالمه و انا فيها السجين

قلبي بارد زي التلج كانه في تلاجه...
كأن الحزن بني في قلبي بيته و اصبح الشعور بيه عااااده...

*الساعه جت واحده بعد نص الليل*
دقات القلب ما بين الاستقامه و ما بين الميل....
و قلبي لا حولاه له و لا قوه
عااايش مهما كانت الحياه حلوه او مره

بيكمل رغم اوجاااعه
معتبر الحياه دي لوحه و امله فيها الوانه،
و هو فيهااا رسام بيرسم و يلون
بيعافر و يعاند و يتحمل و علي نفسه يهون

*سلام الله عليكي يا نفسي*
خليكي رحيمه بقلبي و حسي...
اني مجرد عامل بيحاول في بناء سد...
خايف من الزمن و من الوقت...
خايف يوم يتهد....و يحب حد و يفاااارق نفس الحد..

*كلامي مش مجرد كلام سرد*..
ده وجع مكتوب بحبر الدم ....
شايل الم، شايل ندم،شايل هم....

*سلام الله عليكي يا روحي*
خليكي الترياق لوجع جروحي
اوعاكي تكوني تأديه غرض
و تسمحي للحزن يصيبني بالمرض....

*سلام الله عليك يا جرح*
و شكرا للكسره و للشرخ

*و بعد وقت طويل من الشكوي و الهمهمه*
*و غيبوبه طويله ممزوجه بألم سنين مش مجرد سنه*

بيجي صوت مش معروف من الحاضر و لا الماضي....
لكنه اكيد صوت من العقل الباطل للواقع مش راضي ...

و لكن صده فجأه صوت بيقول كل شيء هيبقا كويس...
بس انت اصبر و اهدي و تريث...

و صوت ابويا بيقول ..."كل شيء هينتهي....و في الجنه هنلتقي"
*و لقتني بقوم مفزوع بقول بس انت وحشتني*