مستشار رئيس الوزراء يكشف حقيقة فيديو عبور طلاب فوق ترعة بالبحيرة

علق هاني يونس المستشار الإعلامي لرئيس مجلس الوزراء، على الصور المتداولة لطلاب يسيرون على مواسير مياه فوق ترعة أثناء ذهابهم إلى المدرسة بالبحيرة.

وكتب "يونس" من خلال حسابه الشخصى عبر فيس بوك: "هذا بوست لمن يريد أن يعرف.. ومن يعرف سيدرك ويفهم ويتقن قبل أن يشير ما يخالف الحقيقة.. من إمبارح الناس بتنشر وتبعتلى صور لطلبة صغيرين بيعدوا للمدرسة على مواسير مياه فوق ترعة، ومعقول كده ينفع كده؟ ..طبعا مينفعش ..المهم، عندنا منظومة شكاوى حكومية موحدة بمجلس الوزراء صاحية، فيها ناس محترفين، بيرصدوا الحاجات اللى زى كده ..على طول اتحركوا وبعتوا ناس المحافظة وكلموا المحافظ ..طيب طلع إيه؟ ..طلع يا سيدى الفاضل إن فيه كوبرى عادى خالص وآمن للمرور، وفيه صورة مرفقة حتى بيعدى عليه سيارات كمان ..ولكن الطلبة هما اللى بيعملوا كده".

وأضاف: "موظفو منظومة الشكاوى الحكومية الموحدة راحوا المدرسة وطلبوا من مسئوليها يوعوا الطلبة بخطورة اللى بيعملوه وفيه صورة مرفقة.. وكمان المحافظة اتحركت وعلقت يافطة ممنوع المرور من فوق المواسير وبتققل المدخل وفيه صور مرفقة.. هل وضحت الأمور؟".