الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

بنات وموتوسيكلات.. «دوسي» تعلم الفتيات ركوب الـ سكوتر

ياسمين صبري تستقل
ياسمين صبري تستقل الـ سكوتر

"اتجرأي ودوسي وميهمكيش..عيشي المغامرة ودوسي لما الحياة تتعقد، دوسي لكل بنت حلمها انها تسوق سكوتر.. دوسي بتوفرلك مدربات للسكوتر في منطقتك، اعملي منشن لصاحبتك اللي نفسها يكون عندها سكوتر".. حسبما أعلنت مجموعة من الفتيات عن مبادرة لتعليم وتدريب الفتيات على قيادة "السكوتر".

مبادرة "السكوتر"

وأعلنت المجموعة الالكترونية، عبر مواقع التواصل الاجتماعي، عن مبادرتها لتعليم الفتيات "السكوتر من أكثر وسائل المواصلات سهولة وسرعة وكمان بتوفر فلوس كتير. اشتري سكوتر وخلي حياتك أفضل لما الحياة تتعقد، ولو عندك روتين في حياتك وعايزة تعملي حاجة جريئة وجديدة عليكي ..دوسي بتوفرلك تعليم السكوتر والفيسبا في المنطقة اللي ساكنة فيها وكمان بتحددي الايام والوقت اللي عايزة تتدربي فيه".
أسعار التدريب

"
التعليم بسكوتر المدربة، وعندنا ٣ باكيجات تقدري من خلالهم تقتني سواقة السكوتر، أول باكيج سعرها ٨٠٠ جنيه وبتكون ٤ حصص، تاني باكيج سعرها ١٢٥٠ جنيه وبتكون ٧ حصص، تالت باكيج سعرها ١٨٠٠ جنيه وبتكون ١٠ حصص، وبنوفرلك ال safety خلال تعليمك للسكوتر وبتقدري تعملي rating للمدربة بعد ما بتخلصي تعليم السواقة".. حسبما أعلن القائمون بالمبادرة أسعار الاشتراك.


أسباب الإقبال 

وعبر الصفحة الالكترونية اشترك العديد من الفتيات من أجل تعلم قيادة "السكوتر"، وأعلنت مريان أسعد، أنها من سكان منطقة المهندسين، وتريد تعلم "الاسكوتر"، حتي تتمكن من شرائه وقيادته "المنطقة بقت زحمة والمواصلات بقت بتتحرك ببطء والاسكوتر أسهل حاجة في الظروف دي". 

كما أعلنت المبادرة عن رغبتها في تعيين مدربات لتدريب الفتيات "اللي عندها سكوتر وبتعرف تسوق تقدر تحصل علي وظيفة مدربة معانا".

أسعار الـ سكوتر 

"
مش هيزيد ثمنه عن 20 ألف جنيه، ويبدأ من 15 ألف، وهيرحمني من تعب المواصلات ومصاريف التاكسي، والاهم أن بقى بنات كتير وستات بتركبه، وبقى شكله مألوف في الشارع".. تتابع منار احمد، موظفة.

فيما رأت دنيا عصام، طالبة، أنها تتمني أن تتعلم وتقود "الاسكوتر" ولكن تخشي المضايقات والمعاكسات "بقت موضة ونمط أوروبي، ولكن المشكلة في ان اوقات البعض بيضايق البنت اللي راكبة سكوتر، وتلاقي سواقين تاكسي وميكروباص بيتعمدوا دا" .
مزايا الـ سكوتر 

وتعدد سها أحمد، عبر المبادرة مزايا "الاسكوتر" أن " سعره رخيص مقارنة بالسيارات ومش بيحتاج ركنة، ويتميز بسهولة الحركة، موفر للبنزين، والصيانة متوفرة ورخيصة، سواء فلاتراو كاتش او زيت، وسهل ركوبه للفتيات، وبالاخص ان بقى فيه مسابقات".

حجم الاستهلاك 

وحسب شعبة وسائل النقل في اتحاد الصناعات المصرية، فإن السكوتر أصبح البديل الأنسب والأقل في التكلفة بكثير خاصة بعد ارتفاع أسعار السيارات، ويقضي علي زحام المرور، وحجم الإنتاج المحلي، حسب آخر بيانات، وصل إلي 12 ألف سكوتر خلال عام 2017، ونسبة المكون المحلي من السكوتر ارتفعت لتتجاوز 50% من تصنيعه، ومن المتوقع أن ترتفع هذه النسبة خلال السنوات المقبلة مع زيادة أعداد الصناعات المغذية لصناعة سكوتر مصري 100%.

قرار وزاري 

جدير بالذكر أنه في عام 2014، أصدر منير فخرى عبد النور وزير التجارة والصناعة والاستثمار الأسبق، قرارًا بوقف استيراد السيارات ذات الثلاث عجلات "التوك توك " والدراجات النارية بغرض الاتجار فيما عدا التروسيكل وشاسيهاتها، وهو ما أعطى فرصة لتجميعها محليا للوصول إلى هدف التصنيع تدريجيا.