نهى أباظة تكتب: فاتورة وعداد ..البني آدم يتفاتلوا بلاد

البني آدم يتفتلوا بلاد ...اوله كهربا ..اخره فاتوره وعداد..يشوف النار يبقي حداد ...ربي عضلاته ابن شداد ..ضعيف يستقوي بالاسياد..
ربنا كرمه ينسي اللي فات ..يبيع حاجه مهمه عنده ..علشان طمعان في شويه حاجات ..وفي الاخر برضه متفات..
والبني ادم يتفتلوا بلاد ....
يتفتلوا بلاد .والعمر فاتوره بيدفعها ..ومعاها فواتير .مش قصدي فاتوره الميا والكهربا والغاز ..ولا قصدي سعر البنزين والجاز ..ولا قصدي اللي بيحدف بالطوب وساكن في ازاز..
انا قصدي فاتوره رضا ..ودي غاليه عليه....
وفاتوره صحه مش عارف يظبطها من ناس حواليه..
وفاتوره العمر اللي بيضيع علي فشوش ..وفاتوره الوسط اللي دايما محشوش..
وفاتوره الزمن اللي بيسقط ..وماينفعش يعيد ..يتفتت فيه العضم ..والوش بيتملا تجاعيد..
وفاتوره راحه البال.. اللي ماتعرفش تجبها ولو بكنوز المال..
..وفاتوره بتدفعها عشان تبقي ف احسن حال..
ده غير فاتوره حلم مش كابوس ..وفاتوره تكون فيها بكرامتك ..مش حته مفعوص..
وفاتوره وفاتوره وكمان فاتوره ...لحد ما تكمل ليك الصوره..
وف الاخربرضه بتنسي اللي كان ..تضرب وتوقع وبتطمع وبتغضب زي العيال..
فاكر نفسه شايلها ..ومش شايلاه ..عامل نفسه فاهمها ..ومش فاهماه ..وفي الاخر يمشي علي هواه ..والبني ادم يتفتلوا بلاد ..
يتفتلوا بلاد....بس برضه دماغه علي اده ..
بيشوفها لما تضحكله. قال يعني راضيه عنه ...ولما تاخد منه حاجه بسيطه ..يفضل يشكي للناس همه ..وفي لحظه بيكون فرعون ...لما الرب بيكرم ..بيرمي بطاقته ويشيل اجدع راس هون ..يضرب بيه اول من شاله.ويفكر قال ايه باقياله ...وياريته راضي عل حاله..وعايش معووج.
حتقول ايه ما هو بني ادم ودماغه تعباه.. ..دنيا بتجري ويجري وراها ..وحتفضل دايما سابقاه..
قالوها شباب .وقالوها اجداد
.البني ادم يتفتلوا بلاد