والله ما خطي ولا ورقي.. طالبة الـ7% بالدقهلية: عاوزة حقي ودرجاتي الحقيقية

شهدت قرية طنبارة التابعة لمركز السنبلاوبن حالة من الغضب لحالة الظلم التي تعرضت لها طالبة الثانوية العامة سمر السيد على عبد ربه علمى علوم، بعد أن فوجئت يوم النتيجة بأن مجموعها النهائي 29 درجة بنسبة 7%، ورسبت في المواد الثمانية التي أدت فيها الامتحان، وذلك رغم تفوقها فى السنوات الدراسية السابقة.

وتبين أن الطالبة حصلت على صفر في مادتي اللغة العربية والتربية الدينية، وعلى درجة واحدة في الفيزياء واللغة الفرنسية، وحصلت على 3 درجات في الكيمياء، و5.5 درجة في الأحياء و12.5 درجة في اللغة الأجنبية الأولى، و6 درجات في الجيولوجيا.

وقالت سمر وهى تبكى: "أنا مش مصدقة والله فيه حاجة مش مفهومة أنا طول عمرى متفوقة وشاطرة الكل عارف كده مدرسينى وأهلى وأصحابى أنا حليت بشكل ممتاز توقعت أحقق حلمى وأتفوق وأدخل كلية الطب اللى بحلم بيها من صغرى".

وناشدت سمر وزير التربية والتعليم أن يقف إلى جانبها والحصول على حقها، مضيفة: "أنا افتكرت وقتها طالبة الصفر واد ايه عانت واتظلمت، حرام مجهودى وتعبى يروحوا كده أنا مكنتش بنام عاهدت نفسى تحقق حلمى واجتهدت، أنا عايزه حقى حرام والله دى مش خطى ولا ورقى".

من جانبه قال والدها: "بنتى متفوقة استحالة ده مجموعها ولا درجاتها بنتى معروف عنها أنها متفوقة، حرام يعنى ايه طالبة متفوقة تجيب 29، وطلبة كانوا مستواهم وحش وجايبين مجاميع عالية، كل يوم امتحان كنت بتابع معاها الامتحانات وكانت الحمد لله بتخرج فرحانة لأنها حلت كويس".

وأضاف: بنتى لازم تاخد حقها، بنتى خطها جميل ومنظم ولما شافت ورقة العربى أكدت أن ده مش خطها ولا ورقتها، أرجوكم اقفوا معاها بنتى فى حالة نفسية وحشة جدا عايزين الحق".